CHAPITRE LV
Comment le duc envoya ung hérault dedans Gand, et comme les Gantois envoyèrent vers luy requérir miséricorde.
Après la grande victoire que le duc olt eue contre ceulx de Gand, ses subjects, le lendemain de la bataille, le duc, par sa bénignité, considérant que ce que les Gantoisavoient faict avoit esté par folet maulvais conseil, ayant pitié d’eulx, comme seigneur et prince doit avoir à ses subjects, envoya ung hérault en la ville de Gand, portant ses lettres-patentes èsquelles avoit ainsi escript, ou en substance, que: jà-soit-ce que le grand Dieu tout-puissant, à l’aide de son bon droict, lui eust envoyé plusieurs fois victoire sur eulx, toutesfoisluy, nondésirant (ne oncques devant n’avoit faict), leur mort, il avoit encoires pitié d’eulx, et que s’ils se volloient mectre en sa vollonté, qu’il auroit encoires pitié d’eulx. Et avecquesce leur envoya ungsaulf-conduict pour auluns venir à luy. Lequel hérault arriva à Gand, vestu d’une cotte d’armes du duc, le vingt-quatriesme jour de juillet. Et tantost que ceulx de Gand olrent veu lesdictes lettres du duc, etconsidérants sa grande humilité et la pitié qu'il avoit d’eulx non ayant regard à leur grande orgueil et rébellion, le hérault feut haultement festoyé d’eulx et honoré ; et feurent les lettres du duc leues en public. Après lesquelles lettres leues, touts conclurent de prier mercy au duc et de faire sa vollonté comme à leur prince et seigneur souverain ; et, sans prendre jour ny heure, envoyèrent prestement aulcuosdelu ville de Gand devers le duc avecquesledict hérault. Lesquels venus devers le duc, requirent que, combien que en enfraignant son commandement et à tort les Gantoisl’euissent guerroyé, il volsist avoir pitié d’eulx et les recepvoir à mercy, et que par sa bénigne grace volsist,luy etsesgents, se retraire à Gaures pour trois jours , lesquels trois jours durant les Gantois viendroient vers luy pour avoir paix et faire toute sa vollonté. Laquelle requeste le duc leur octroya ; et sy recula fuy et son ost à Gaures; et en retournant passa là où la bataille avoit esté, et veit les morts tout nuds despouillés, et n’estoient point enterrés, dont le duc en olt grande pitié; et dirent aucuns qu'il pleura de pitié. Lesquels morts feurent
trois jours ou plus sans estre enterrés. Et c’estoit une grande pitié de voir les femmes de Gand, lesquelles venoient quérir , l'une son mary, l’aultre son fils, l'aultre son père, frère ou aultres parents. Les aulcunes peschoient en la rivière après leurs amis, lesquels y estoient noyés, car de gents noyés estoit toute la rivière couverte. Et feit commandement que nul feust sy hardy de faire mal aux femmes, ains qu’on les laissast enterrer les morts.
Et le vingt-cinquiesme jour de juillet, envoyèrent ceulx de Gand une ambassade vers le duc à Gaures, en laquelle estoit l'abbé de Sainct- Bavon de Gand, le prieur des Chartreux et plusieurs que je ne scaurois nommer. Lesquels, venus devant le duc, se jettèrent à genoulx en priant mercy à luy pour ceulx de Gand, lesquels estoient prests, moyennant leur vie saulve, de faire sa volonté. Lors le duc, mectant en oublv touts les maulx que les Gantois luy avoient faicts, et non se orgueillant de la victoire que Dieu luy avoit donnée, comme bégnin et piteulx, leur pardonna touts leurs mesfaicts, par telles conditions : qu'ils ticndroient le traictié qu’ils avoientfait à Seclin, et promiset conclud defaire en la ville de Lille, par les trois membres de Flandres avecqueslesnations de Bruges. Cesparolesouyespar les ambassadeurs de Gand, pour etaunom deceulx de Gand, ilsle promirent faire et accomplir sans nul contredict, en remercyant le duc bien humblement de sa bénignité et pitié ; lequel traictié feut tel que s’ensuit cy-après.
