LIVRE II, CHAP. LVIL

perons , lesquels ils portoient durant la guerre; mais seront touts ceulx qu’on trouvera quy les porteront prins et emprisonnés; et les polra le duc punir à sa vollonté.

a Jiem, ne cognoistront plus des causes quy sont eschues ès pays de Waast, Brievelet, Terremonde, Audenarde, Courtray, ny Aloste ; ains demoureront les causes où elles seront encommenciées; et en tant que lesdicts pays en auroient auparavant prins cognoissance, le duc en ordonneroit en dedans six mois prochains à venir s'ils en cognoistroient ou non.

« Jtem, seront tenus d'entretenir les articles d’ung traictié quy feut passé à Gand, présents l’'évesque de Tournay et aultres conseilliers du duc. »

Duquel traictié, tel que dessus est dict et déclaré, présents feurent, pour le faire et passer, Charles Charollois, fils du duc, le comte d’Estampes, Jacquesde Sainct-Pol, Adolf de Clefves, nepveu du duc, Jehan de Portugal, nepveu de la duchesse, le mareschal de Bourgoingne, Anthoine, bastard de Bourgoingne, le seigneur de Chargny, Thiébaut de Noeufchastel, Claude de Montagu, le seigneur de Conches, messire Jehan de Croy, messire Symon de Lallaing, le bastard de Sainct-Pol, le seigneur de Haubourdin et messire Pierre de Goy, etc.

En la présence desquels ceulx de Gand promirent d'entretenir ce que dessus est dict, à ce appelé ung notaire apostolique et publique, lequel estoit de Cambray, nommé Jehan De Schoenhove ; et les nomsde ceulx de Gand quy promirent à entretenir ledict traictié, feurent : l'abbé de Tronches, le prieur des chartreulx, sire Bauduinde Fosseux ;'religieux de Sainct-Bavon-lez-Gand, maistre Jehan du Mortier, maistre Jehan du Quesne, Jehan Bard, Anthoine Soixandre, Jehan Van de Mons, Jehan Van de Poelle et Guillamme de Poitiers.