CHAPITRE LVII

Comment ks :unbassadeurs retournèrent à Gand, et de la joye que iceulx de la ville feirent de ce que leur paix estoit faicte.

Après ce que le traictié fout faict ct passé comme dessus est déclaré, les Gantois quy estoient venus devers le duc pour faire ledict traictié, s'en rctournèrent à Gand , et rapportèrent par escript le traictié qu'ils avoient faict, lequel

traictié feut leu en commun. Laquelle lecture du traictié ouye, touts ceulx de la ville de Gand feirent et démenèrent moult grande joye, et allumèrent et feirent partout grands feus; et estoient tant joveulx que merveilles de ce qu'ils avoient paix au duc. Et pour vray, sitost que la paix et traictié du duc et des Gantois feut accordé et passé, plusieurs Picards, compagnons adventureux, entrèrent avecqueslesambassadeurs des Gantois en la ville; et leur y feirent ceulx de la ville bonne chière; et pareillement par le congié du due y entrèrent plusieurs chars chargiés de vin, et aultreschars chargiés de vituailles quy estoient en l’ost dudict due. Et à certes ceulx de la ville faisoient grande juye, festoient aulx gents mesmes du duc quy estoient de leur vollonté allés jouer en ladicte ville, plusieurs, tant pour veoir la ville, lesquels n’y avoient oncques esté et tant en avoient ouy parler, comme aussy pour eulx refaire et refoeiller en

ladicte ville.