CHAPITRE LVIIL
De l'amendise que les Gantais fcirent, et comment ils vindrent prier mercy au duc.
Le lundy, dernier jour du mois de juillet, audict an mil quatre cents cinquante-trois, après toutes les choses dessusdictes faictes et passées, le ducde Bourgoingne, comte de Flandres, etc., se partit de Gaures avecques ses gents en belle bataille ordonnée ; et en tel arroy alla une lieue
rès de Gand; et lors s’arresta et meit touts ses archiersendeulx aysles,entre lesquels debvoient touts les Gantois passer. Et estoient iceulx archiers mis en rang leurs areqstendus; lesquels tenoient demy-lieue loing ou plus; et en la fin estoient touts les hommes d’armes , au milieu desquels estoitleducde Bourgoingne et son fils, et autour d’eulx touts les nobles et grands seigneurs de son armée. Lequel duc n’eut pas sitost mis ses gents en ordonnance que les Gantois ne vindrent en tel nombre qu'ils avoient
romis ; et les menoient lesdicts chartreulx de Gand, et l'abbé dessusdict. Devant les eschevins de Gand alloient les conseilliers et les hoyguemans, au nombre de vingt-cinq, touts nuds, réservé leurs chemises et leurs brayes. Après alloient deux mille, touts vestusde noir, à pieds nuds, sans çainture et sans chapperon ; touts lesquels passèrententre les deulx aysles des ar-
chiers, et parmy tout l’ost du duc qui estoit en belle ordonnance. Et incontinent, d’aussy loing que les Gantois aperceurent le duc, ils se jettè-
rentàgenoulx, en criant tout d’une voix ensem-
ble : « Miséricorde à ceulx de Gand!» Aprèsce premier cry. alla allencontre d'eulx maistre Nicolle Raullin, chancellier du duc, lequel leur remonstra, oyants touts clairement : comment faulsement et mauvaisement, et comme mauvaises et orgueilleuses gents, ils s’estoient rebellés contre leurseigneur, quy illecq estoit présent, dont ils avoicnt mal faict,etqu'encoires ne scavoit-il sy le duc leur pardonneroit. Lesquels Gantois ce oyants ne respondirent riens, mais tout ensemble, comme devant avoient faict, meirent les genoulx en terre, et tout d'une voix cryèrent le plus haultement qu'ils peurent : « Miséricorde, « miséricorde, miséricorde à ceulx de Gand!» Et après ce se relevèrent et allèrent sv avant qu'ils feurent devant le duc, leur seigneur, lequel estoit monté sur ung cheval richement et noblement enharnaché ; et illecq encoires derechief meirent les genoulx en terre, et en grande abondance de larmes et de pleurs cryoient touts d’une voix ensemble, comme dessus est dict :
« Miséricorde à ceulx de Gand!» Puis requit publiquement le conseil de la ville de Gand au duc, que, de sa pitié et de sa bénigne grace, il volsist à son peuple de Gand, quy illecq estoit présent, pardonner, lesquels mauvaisement et faulsement , comme rebelles et désobéissants , s'estoient contre luy rebellés, avoient créé hoyguemans, et faict plusieurs énormes crimes et tant que sans nombre, dout humblement luy en requéroient mercy et pardon; sy le prioient daigner pardonner touts leurs mesfaicts en quelque manière que faict leseuissent, et que jamais plus ne leur amenderoit, ains doresnavant lui seroient vrays, obéissants et loyaulx subjects.
Après lesquelles parolles dictes par le conseiller de la ville de Gand, le duc, de sa francque et bonne vollonté, libéralement leur pardonna son ire et son maltalent, et aussy feit son fils, quy illecq estoit présent. Après ces choses faictes ainsy, les Gantois, pleins de liesse et bien joyeulx, s’en retournèrent à Gand, en faisant grande feste ; et pareillement ceulx quy estoient demourés en la ville, à leur retour s’efforcè-
| rent à faire feste. Ce faict, aussy le duc retourna , à Lille; et illecq despartit son ost, et à chascun
donne congié ; lesquels s'en retournèrent chascon en sa marche, sans riens tenir des champs. Et ainsy feut finie la guerre que olt le duc de Bourgoingne, comte de Flandres, contre ceulx de la ville de Gand, ses subjects.
