LIVRE IH, CHAP. L

ville, en laquelle estoient huict cents combattantset plus. Ce voyants, les Allemandsrequirent trefves pour dix mois audict seigneur de Croy, par condition que, sy en dedanslesdictsdix mois nelibvroient bataille au duc de Bourgoiïngne et à toute sa puissance, ils rendroient la ville de Thyonville au due, et tout ce qu'ils tenoient en ladicte duché de Luxembourg. Lequel seigneur de Croy, voyant et considérant que par tout ce pays et duché de Luxembourg y avoit une très grande mortalité, puis aussy considérant que l'hyver approchoit moult fort, envoya envers le duc de Bourgoingne, Philippes, comte de Flandreset duc de Luxembourg, etc., pour scavoir sy c’estoit sa vollonté qu'il bailliast icelles trefves aux Allemands, moyennant aussy les promesses et conditionsc y-dessus déclarées, faictes par iceulx Allemands. Ce que le dûc feut content d'accorder. Et feurent les trefves données jusques à l’Ascension de l'an cinquantequatre ensuivant; et baillèrent les Allemands hostaiges d'entretenir ce qu’ils avoient promis. Ce faict, toute l’armée que le duc avoit audict pays de Luxembourg se partit, et sans tenir les champs s’en retourna en son lieu.