CHAPITRE PREMIER

Comment Charles Vils de ce nom, roy de France, alla la deuxiesme fois en Bourdelois, pour reconquester le pays, el de la prinse de la ville de Chalaix en Bourdelois par les François, et du siége quy feut mis devant Chastillon.

Combien que ey-devani j'ay traictié tout au long dela guerre que olt le duc de Bourgoingne contre ceulx de Gand, sans y entrelacer, comme sy n’y.eut d’aulires choses advenues, affin que je n’entrelaos les unes matières avocques les

aultres, toutesfois audict an mil quatre cents cinquante-trois, après ce que Charles VII de ce nom, roy de France, olttoutl’hyver passé faict toutes ses préparations pour reconquester le pays de Guyenne et de Bourdelois , le second jour de juing audict an, icelluy roy se partit du chasteau de Lusignem !, et alla à Sainct-Jehand’Angely; etle douziesme jour dudiet mois, feut mis le siége devant Chalaix en Bourdelois, par messire Jacques de Chabanne, grand-maistre-

(1) Eusignan. - | |

d’hostel du roy, et par le comte de Penthièvres, seigneur deSainct-Sévère de Boucat; et le dixseptiesme jour ensuivant, feut icelluy Chalaix prins d’assault par les seigneurs dessusdicts et aultres de leur compagnie, en nombre de quatre äcinqcentslances, etlesarchierset guisarmiers, avecques certain nombrede francs archiers; et y avoit dedans la ville en garnison huict vingts combattants, desquels , à la prinse de la ville, feurent tués quatre-vingts, et les aultres se retirèrent en une tour où ils feurent certain espace de temps en attendant secours, lequel ne leur vint pas ; sy les convint rendre à la vollonté du roy. Lesquels estoient au nombre de quatrevingts hommes , quy touts feurent descappités pour ce que auparavant avoient faict serment au roy et puis s’estoient retournés Anglois. Le seigneur d’Englades s’estoit parti de Bourdeaulx les cuidant venir secourir ; mais en venant il sceut la prinse de la ville, pourquoy il s’en retourna hastivement.

Audict an cinquante-trois, le quatorziesme jour du mois de juillet, feut mis le siége par les François devant la ville de Chastillon en Perrigort, assise sur la rivière de Dordonne, occupée par les Anglois ; et y feut mectre le siége le seigneur de Loheac, et leseigneur de Jalloingnes, mareschal de France, et plusieurs aultres chevalliers et gents de guerre, jusquesau nombrede seize à dix-huict cents hommes d’armes, et les archiers, entre lesquels estoient les gents du comte du Maineet les gents du comte de Nevers, que conduisoit messire Ferry du Francq; aussy y estoient les gents du comte de Castres, fils du seigneur de la Marche; Jehan Messignac et Guillaulme de Lnzarc, et les gents du comte de Bretaigne, dont estoit chief le comte d’Estampes, son nepveu; et pour luy lesconduisoient le seigneur de la Hunaudière et le seigneur de Montauban, pour ce que ledict comte estoit demouré vers le roy. Et là estoit la grosse et menue artillerie du roy, dont avoit la charge maistre Jehan Bureau et Jaspart Bureau son frère, maistre de ladicte artillerie ; et avoient en leur compagnie sept cents mannouvriers, lesquels, par l'ordonnance d'icelluy maistre Jehan Bureau et son frère, clorent hastivement un camp de fossés où estoit toute l'artillerie ; et adonc feut mis le siége devant Chastillon. Ce venu à la cognoissance du seigneur Tallebot, il se partit incontinent et en haste dela ville de Bourdeaulx,

accompagnié de huict cents à mille Anglois de cheval, entrelesquels estoit son fils, le seigneur de Lisle, le seigneur de Molins et plusieurs aultres du royaulme d'Angleterre, tant chevalliers que escuyers, et aussy du pays de Bourdelois; et après venoient quatre à cinq mille Anglois de pied; et arriva icelluy Tallebot devant ledict siége le merquerdy dix-sept de juillet, environ le poincet du jour.