CHAPITRE IT

Comment messire Tallehot cuida lever le slége de Chastilion, el comment il y mourut et son fils, et se rendirent ceulx du Chastel; et de la grande occision d’'Auglois quy feut devant Chastillon.

Tantost que les Francois feurent advertis de la venue de messire Tallebot, ils se bouttérent au camp qui estoit fermé de fossés; et trouva icelluy Tallebot en son chemin aulcuns francs archiers quy encoires n’estoient pas retraicts audict camp ; et les commencèrent les Francois à fort tirer pour gagner le champ, pour ce que les Anglois commencèrent à marcher pour approcher, cuidants que les François se fuyssent et levassent leur siége. Lors feit icelluy Tallebot, en attendant une partie de ses gents à pied, mectre une quoeue de vin sur le boult pour leur donner à boire et les raffraischir. Et cependant les François arrivèrent au parcq, et se meirent en ordonnance, et meirent sur les fossés leurs engins à pouldre devant la venue d’iceulx Anglois. Ceulx de Chastillon trouvèrent facon de mander audict Tallebot qu'il se advancast légièrement, et que les François fuyoient; ce que fit iceluy Tallebot ; mais luy venu. il feut moult eshahi de veoir la forteresse que avoient faicte les François, tant de fossés, artillerie comme aultrement. Illecq estoient pour résister aulx Anglois : les mareschaulx de France, le grandmaisire-d’hostel du roy, le comte de Penthièvres, le séneschal de Poitou, le seigneur de la Bessière, messire Jehan Bureau et plusieurs aultres, lesquels estoient commis à conduire icelle armée, et avecques eulx estoient plusieurs grands seigneurs. Messire Tallebot et sa compagnie arrivèrent à la barrière, cuidants entrer au Camp; mais ils trouvèrent frontière de valliants gents de guerre quy leur monstrèrent hardy et bon couraige, dont ils feurent esbahis, veu ce que qn leur avoit mandé. Icelluy Talle-

| bot estoit monté sur une petite hacquenée , et ‘ ne descendit point à pied, pource qu’il estoit

ancien homme ; mais il fit mettre pied à terre à touts ceulx de sa compagnie, quy estoient venus à cheval; et à l’armée avoient les Anglois vingt-quatre bannières desployées, tant du roy d'Angleterre, de sainct Georges, de la Trinité comme d’aultres, et dudict Tallebot, et plusieurs estendarts. Et adonc commença l'assaut; et y olt de grande valliance ; et se combattirent fort l'une partie et l’aultre; et dura le cappelis par l’espace d’une forte heure. Mais, pour renforcer les Francois, vindrentle seigneur de Montauban et le seigneur dela Hunaudière, avecques les gents du duc de Bretaigne, lesquels ils avoienten gouvernement. Lesquels venus à l'enforcement des Francois, par grand couraige et par leurs prouesses, feirent tant que les Anglois retournèrent le dos; et feurent abbattues et ruées par terre toutes leurs bannières par iceulx Bretons; et prindrent les Anglois la fuitte, dont en moururent plusieurs. Et par espécial feut féru d’une coulevrine la hacquenée de messire Tallebot , tellement qu’elle cheut toute morte et Tallebot dessous; lequel feut tué illecq des François, car il n'estoit point armé, pour ce que, quand le roy Charles luy quitta sa rancon, quand il feut prins en Rouen, et luy donna grande somme de deniers, il promit de sa franche volonté, sans constrainte, de soy jamais armer contre luy neles siens, et s’en allaaux pardons de Rome; mais luy retourné, ne poeult laisser sa vie, et recommenca la guerre commedict ay ci-dessus. Icelluy Tallebot estoit tenu pour ung des valliants chevalliers d'Angleterre et le plus redoubté; il avoit esté plus de trente ans en France, où il avoit fait moult de valliance et auss y moult de maulx et meurdres,d’occisions, de feulx boutter et de innumérables maulx; desquels maulx et valliance appert par les chroniques en ce temps faictes. En icelluy capelis feut aussy parcillement mort son fils, seigneur de Lis. le, messire Hernel, Paul Thomas Auringham, le seigneur de Pinguillain,Gascon, et trente chevalliers du royaume d'Angleterre, et des plus valliants, comme on disoit ; et sy y fust prinsleseigneur De Molins. Mais pour ce que les Francois estoient de pied et fort travaillés, plusieurs Anglois et Gascons eschappèrent, et se bouttèrent dedans la ville et chasteau de Chastillon, josqu’au nombre de huict cents à mille, entre lesquels estoient le fils du captal de Bœuf!, comte (1) de Buch,