CHAPITRE III

Comment Sainct-Million et Libourne se rendirent au roy de France, ct de plusicurs places que le comte de Clermont moit cn l'obéissauce du roy de France.

Depuis la rendition de Chastillon, se partirent les François avec leurs puissants canons et artillerie, et allèrent devant Sainct-Million. Lesquels, voyants qu’ils ne pouvoient résister contre les Francois, se rendirent, et ils furent receus à mercy. D'illecq tira toute l’armée debvant la ville de Libourne, laquelle n’avoit point esté bailliée du gré de ceulx de la ville ès mains des Anglois, quand Tallebot arriva à Bourdeaulx, car les François, à quy ils avoient esté bailliés en garde, quand ils’ sccurent la venue de Tallebot, désemparèrent la ville; sy convint les habitants d’icelle obéir à icelluy Tallebot; pourquoy, quand les Francois vindrent, ils se rendirent au roy, et le roy les receut en sa bonne grace, et ne feurent en riens molestés. En ce temps le comte de Clermont, lieutenant général du roy, estoit au pays de Guyenneet de Bourdelois, de là la rivière de Gironde, ès pays de Languedoc, et cstoient en sa compagnie le comtede Foix, le comte d’Albreth, le seigneur d’'Orval son fils ; messire Theaude de Sautreville, bailly de Lyon; le seigneur de Saincte-Trailles, grand escuyer d’escurie ;

(4) Salut-Emilion.

messire Bernard de Bierne!; le vicomte de Terride, le seigneur de Lavardan, et plusieurs aultres capitaines, avecques dix-huict cents lances , et les archiers et guisariniers, lesquels s'y gouvernèrent en telle manière que, par courses qu'ils feissent sur le pays, en prendant prisonniers et gastant le pays, oncques Anglois de Bourdeaulx, quy estoient bien huict mille combattants, ne se embattirent sur eulx et ne contredirent en riens.

Le quatorziesme dudict mois de juillet, le comte de Clermont et ceulx de sa compagnie allèrent mectre le siége devant le chastel noeuf de Made? , et feurent devant par l’espace de quinze jours; et tenoit la place, pour le roy d'Angleterre, le seigneur de Lisle, chevalier gascon, lequel, voyant luy estre impossible de la plus tenir, la rendit aulx Francois. Ce fait, icelluy comte et ceulx desa compagnie allèrent mectre le siége devant Blancfort; et là se partit d’eulx le comte de Foix et leseigneur de Lautrec son frère, et allèrent mectre le siége devant le chastel de Cadillacq; et le seigneur de Sainct- Trailles alla devant Sainct-Macaire, et lemeit en l'obéissance da roy ; et le seigneur d’Albreth se partit de devant Blancfort, et alla devant Langon et Villendras, lesquels il meit parcillement en l’obéissance du roy de France, estants les aultres François encoires devant Blancfort. Et tenoient à la fois deulx ou trois siéges, lesquels on nombroit mille lances, en ce comprins les gents du comte d'Ermignac, que conduisoit ung escuyer nommé Lasne de Lange, séneschal de Rouargue. Cependant que le siége estoit devant Cadillacq, le comte de Clermonttenoit tousjours le siège devant Blancfort, et le tint tant qu'il se rendit & lu .