CHAPITRE IV
Comment le roy de France meit le siége devant Cadillacq, et le prit d'assault.
Le dix-septiesme jour de juillet, en ce mesme an Cinquante-trois, Charles, roy de France, se partit de la cité d’Angoulesme, pour aller au pays de Bourdelois, pour conforter et aider son ost ; et estoient en sa compagnie les comtes d’'Angoulesme, du Maine, de Nevers, d’Estampes, de Castres, de Vendosme, et plusieurs aultres barons, chevalliers et escuyers ; et arriva
(4) Béarn. (2) Médoc.
{ras
en la ville de Libourne, et son ost devant Fronsac, que tenoient les Anglois ; lesquels se rendirent, et s’en allèrent, chascun ung baston en son poing; puis passa son ost la rivière de Dordvnne, pour mectre en l'obéissance du roy de France le pays d’Entre-deux-Mers. Et le roy alla à Montierrant, et feit mectre une bastille devant Le Riaut! de lez? Bourdeaulx, par une partie de son ost ; et l'eultre partie meirent le siege devant la ville et chasteau de Cadillacq, devant laquelle estoit de l’aultre costel le comte de Clermont, les comtes de Foix, d’Albreih, le seigneur d’Orval, le seigneur de Sautreville, bailly de Lyon, et plusieurs aultres, jusques au nombre de mille lances ; et les archiers estoient devant Bourdeaulx, du costel de devers les Landes, pour mangier le pays, affin que ceulx de Bourdeaulx ne s’en peussent aider. Et le dixhuictiesme de juillet, le roy, en personne, et son ost assaillirent la place de Cadillacq, laquelle feut prinse et emportée d’assault. Et entra le premier dedans ung escuyer nommé Geouffroy de Saint-Bellin, bailly de Chaumont en Bassigny ; et lors les Anglois se retirèrent au chasteau, quy estoit moult fort et bien fermé, autour duquel feut meis le siége des François ; sy qu'il convint qu'ils se rendissent, au mois d'octobre ensuivant, touts prisonniers du roy de France ; desquels le capitaine du lieu, nommé Gaillardet, feut descapité. Dedans la bastille de Le Riaut estoient le seigneur de Loheac, mareschal de France, et plusieurs aultres seigneurs, chevalliers et capitaines, jusques au nombre de quinze à seize lances, avecques les gents de traict, bien garnis d'artillerie; et auprès d’icelle bastille estoient les basteaulx de l’armée du roy, par mer, c’est à scavoir : de Bretaigne, de Poitou, de l’Espaigne, de Hollande, de Zélande et de Flandres, armés et avitaillés. Et la feurent dedans la rivière de Gironde, jusques à ce que la ville de Bourdeaulx feust mise en l’obéissance du roy de France.
Du party des Anglois estoient pareillement les basteaulx et navires venus du pays d’Angleterre. Et incontinenteulx arrivés, feit le seigneur de Camus mectre cordage dedans la ville de Bourdeaulx, affin qu'ils ne s’en pussent aller. Lesdicis Anglois aussy feirent faire une bastille contraire à celle des François, et au-dessus d’icelle ; mais elle leur prouffita peu. Ils estoient (4) La Réole. (2) Près.
enla ville, de la part du roy d'Angleterre, grands gents, c’est à scavoir : le seigneur de Camus, le seigneur de Cliton, le bastard de Sombreset, le seigneur de l'Esparre, Gascon, le seigneur de Rosam, et de trois à quatre mille Anglois d'Angleterre, et aultant et plus de gents du pays de Gascoingne, dont l’unedes parties estoitdedansicelle ville, et l’aultre dedans leur bastille pour garder leurs navires. Et là feurent lesdeulx puissances, les ungs devant les aultres, et chascun sa bastille, pour garder les navires, despuis le premier jour d’aoust jusques au dix-septiesme jour d'octobre ensuivant, dommaigeants et grevants chascun jour l’ung l’aultre, en toutesles manières qu'ils pouvoient.
