CHAP. VI

ceulx qui avoient esté quérir iceulx Anglois, du nombre desquels feurent le seigneur de Duras et le seigneur de l'Esparre. Et feut icelluy traictié faict le dix-septiesme jour d'octobre audict an cinquante -trois. Messire Pierre Beaumeneau, seigneur de la Bessière, mourut environ trois jours après la bataille de Chastillon; et aussy mourut messire Jacques de Chabannes, grandmaistre-d’hostel du roy, quy feut moult plaint, carilestoit valliant chevallier. La ville ainsy rendue au roy, le roy eut incontinent toutesles places de Bourdelois et de Guyenne. Ainsy le pays dclivré des Anglois et anltres ennemis du roy de France, le roy commit, pour garder celuy pays, le comte de Clermont, fils du duc de Bourbon, et le feit son lieutenant général ; et y commit avecques luy messire TheaudedeValpergue; et maistre Jehan Bureau, trésorier de France, demoura maistre dela cité. Etavecqueseulx deslaissa plusieurs gents d'armes, archicrs et arbalestriers, pour la garde du pays, dont il estoit besoin. Ce faict, voyant le roy qu’en tout son royaulme de France n'y avoit ville ne forteresse, ducs ne seigneu rs, que touts n’obéissent à luy (réservé les villes de Calais, Hames, Guysnes, lesquelles estoient en l’obéissance du roy d'Angleterre, et disoit-on que le roy les feust allé conquerre, mais les laissoit pour ce qu’elles estoient du domaine et comté d'Artois, laquelle comté estoit au duc de Bourgoingne, et aussy qu’il n’y pooit venir sans passer par les pays d’icelluy duc, et que en passant on pourroit faire aulcuns griefs au pays, dont grande guerre se pourroit esmouvoir, car les Anglois avoient trefves audict duc de Bourgoingne), le roy se partit du pays de Bourdelois, et s’en retourna en la ville de Tours.