CHAPITRE V

De la rendition de la ville de Bourdeaulx assiégée, et de tout le pays de Bourdélois et de Guyenne.

La ville de Bourdeaulx assiégée par le roy de France, comme dessus est dict, les Anglois de dedans voyants eulx oppressés de toutes parts de François, et qu’ils avoient faulte de vivre, et avec ce, que toutes les places et forteresses du pays, par force d'armes, estoient en l’obcissance du roy de France, requirent de avoir amiable composition. Le roy de France, oye leur requeste , veuillant toujours user de pitié et miséricorde, comme il estoit coustumier de faire, et considérant que en son ost il avoit très grande mortalité, quy faisoit fort à doubter, aflin que ses gents changeassent nouvel air, feut content detraicter avecquesles Anglois, par la manière quy s’ensuit. Et feut l’accord faict, c'est à scavoir : que la ville et cité de Bourdeaulx luy seroient rendues, et demoureroient touts les habitants ses vrais et loyaux subjects, et feroient le serment de non jamais se rebeller contre la couronne de France, recognoissanis le roy estre leur souverain seigneur ; et les Anglois eurent congié de eulx en aller en leurs navires au pays d'Angleterre, ou à Calais, se bon leur sembloit, quy siet sur la mer. Et pour ce que aulcuns des seigneurset de la cité avoient esté en Angleterre quérir les Anglois, rompanits leur foi et serment qu'ils avoient faict l’année précédente au roy, lequel, à grande force, à grande peine et frais, les auroit conquis, feurent bannis de Bourdeaulx vingt personnes, telles qu’il pleut au roy, de