LIVRE III, CHAP. VIIT
de son costé feist solemnelle jeusne à la réverence du Dieu du ciel, lequel seul il adore; laquelle jeusne luy etses gents feirent trois jours continuels; et ne mangeoïient tout le jour riens, fors seulement la nuict, pour sustenter le corps. Et feirent en ces nuicts infinies lumières de chandelles et de bois quy brusloit de soy-mesme en mer et en terre, tant qu'il semblast que mer et terre bruslassent ; et avecq ce, feirent grands sons de tambours et aultres instruments, car de trompettes avoient-ils bien peu. Les trois jours finis, le vingt-septiesme de may, audict an cinquante-trois, le Turc commenca son assault bien lentement au soir! Et avoit ordonné icelluy Turc ses gents en la manière qu'il s'ensuit; c’est à scavoir : Siglardy, capitaine général de Turquie, atout vingt mille hommes, à la porte du Puich, où estoit la grande bataille; et Sagam Bassa, conseillier du Turc, avecq la tierce partie des gents du siége, à la porte de Sainct- Romain, loing du Puich environ ung mille ; Wigabec, capitaine général de Grèce, feut mis au costé de Galligara, à l’endroict du palais de l'empereur ; Sagam Bassa, Albanois, venu estoit long devers Père, avecq plusieurs chrestiens reniés ; Car de ce pays-là, moult se renient tous les jours. L’assault commencé, ceulx de dedans se deffendirent partout valliamment. A Sainct- Romain estoit le lieu le plus légier à prendre, et la muraille la plus foible, de laquelle avoit jà esté abbattue par les jours passés une partie; et là estoient les bombardes quy ruèrent jus une barbaquenne, et la moitié des murs du milieu desquels en cheut deulx cents braces; là aussy avoit des couleuvrines et des traicts, tant que à peine véoit-on le ciel; toutesfois ceulx de dedans relevoient les bresches du mur de grosses tonnes et de bois et terre, et d’aultres choses; et se deffendirent au mieulx qu'ils pooient. En icelluy lieu se deffendoit fort messire Jehan Justinian, ung Génevoisi, quy estoit aux gages de l’empereur, et s’y porta moult valliamment ; mesme aussy toute la cité avoit grand espoir en luy et en sa valliance. Maisen icelluy lieu, pour faire son dernier effort, le Turcq, avecq dix mille hommes pour garder sa personne, et deulx bannières élevées, et autre infiny nombre de Turcs avecq eulx, et ceulx du chasteau de bois, par eschelles et aultres instruments, commencèrent à emplir les (1) Génois.
fossés et à monter sur les murs. Lors feut messire Justinian blessié d’une couleuvrine; et s’en partit pour soy faire médeciner; et bailla sa garde à deulx gentilshommes genevois.Néantmoins les Turcs montèrent sur les murs. Et adonc les chrestiens, eulx voyants sy oppressés, et aussy que icelluy Justinian s’en estoit allé, cuidants qu’il s’enffuit, abbandonnèrent leur garde et s’enffuirent. Lorsentrèrentles Turcs en Constantinople, le vingt-huictiesme jour de may, audict an cinquante-trois, mectants touts à l’espée ceulx quy leur faisoient résistence. Illecq feut tué l’empereur de Constantinople; et dirent aulcuns qu'il eut la teste trenchiée ; aultres disent qu’il mourut à la porte en la presse, cuidant issir. L’ung et l’aultre poeut estre vraye, ce qu'il fust mort en la presse, et que despuis les Turcs luy eussent trenchié la teste. A icelle entrée piteuse et douloureuse pour les chrestiens, les Turcs eurent paisible possession de la cité; et se transportèrent ès églises d’icelles, par espécial en la maistresse, quy est appelée Saincte- Sophie, quy moult estoit grande, large et espacieuse; et là trouvèrent-ils plusieurs dames et damoiselles, et femmes de grande auctorité, avecq plusieurs filles pucelles, desquelles ils eulrent leur compagnie charnelle de force et oultre leur gré et volonté, et en contempt de Dieu nostre créateur et de la foy. Et mesmement le Turc viola en icelle église la femme de l’empereur, et la tint despuis pour sa concubine, et l'emmena avecq luy quand il partit de la cité. Plusieurs aultres de ses gents commirent illecq peschié de luxure en plusieurs et diverses manières; et disoit-on qu’ils prindrent l’hostie sacrée du précieulx corps de Jésus-Christ, et la traisnèrent par les rues, et qu'ils ardirent le corps de saincte Sophie, et occirent touts les chrestiens, grands et petits. Voyants les galères vénitiennes du pays de Roménie icelle perdition, ils demourèrent jusques à midy, attendants de $auver aulcuns chrestiens, dont il en issit de la ville bien quatre cents; entre lesquels feut Jacques le Talet, quy estoit sur le mur à sa garde, bien loing de la porte ou entrèrent les Turcs, et s’entretint bien deulx heures après leur entrée, et gagna la mer, et se despouillia, et nagea jusqu'aux galères quy le receurent. On disoit encoires que sy l’armée de
(1) Constantinople fut prinse le 99, Voyez les Relations de cë siége dans l'appendice de ce volume.
Venise, que menoit messire Jehan Rendour!, feust arrivée ung jour devant qu'elle arriva, la ville eust esté bien secourue; en laquelle il y avoit noeuf galères vénitiennes et vingt navires du moings; mais elles ne vindrent pas à temps. Elle arriva seulement à Nigrepont, ung jour après icelle prinse.
