CHAPITRE IX

Commer:t la ville de Père se rendit au Turc, et comment aulcuns s saulvérent et aultres périrent, et de la perte qui feut à Constantinople, et de la façon du Turc.

Ceulx de la ville de Père, lesquels n’avoient eu encoires nul assault, estoient, la plus grande part de la ville, allés en Constantinople pour le deffendre, et ceulx quÿ estoient demourés n’avoient rien osté de leurs biens, en laquelle avoit encoires six mille hommes, attendants la miséricorde de Dieu.Quand ils sceurent la prinse de Constantinople, ils envoyèrent les clefs de la cité au Turc, en se rendant en sa miséricorde. Toutesfois une grande partie des hommes et des femmes montèrent sur aulcunes nefs des Genevois? pout eulx s’en aller, et s’en allèrent; mais il y eut une nef chargée de femmes de Père quy fust ptinse des Turcs. La prinse de Constantinôple, comme on disoit, valloit au Turc quatre millions de ducats; et estimoit-on la perte de teulx de Venise cinquante mille ducats; et ceulx de Florence y perdirent vingt mille ducats; ét aultres cités y perdirent beaucoup. On disoit parmy ceulx quy avoient conversé avecq le Turcetcognoissoient ses faictset conditions et sa puissance, que, à la prinse de Constantinople, il avoit vingt-trois à vingt-quatre ans, et estoit cruel plus que Néron, se délectant à espandre le sang humain. Il estoit fort courageux, ardant et désirant seigneuriser et triompher de tout le monde, plus que Alexandre ne César, ne aultres, quelque valliants qu'ils ayent esté; et alléguoit qu’il avoit plus grande seigneurie et puissance que nuls d’eulx n’avoient;et tousjours faisoit lirehistoiredevant luy; et disoit que aisée chose seroit de faire ung pont jusqu’à Venise pour passer ses gents d'armes ; et enquestoit de Rome où elle estoit assise, et du duc de Milan et de ses valliances; et disoit qu'il tiendroit son siége en Constantinople, sy, qu’il disoit qu'il ne seroit nul en terre ne en mer quy l’osist atten-

(1) Jacques Lordonne. (2) Génois.

dre et quy ne luy portast les clefs des bonnes villes, à l’occasion qu'il avoit prins par force Constantinople, quy estoit la plus forte cité d'Europe, laquelle on n’euist jamais cuidé que armée, combien grande qu’elle fust, la deubst surmonter.