CHAPITRE XII
Le la sentence quy feut baillée contre Jacques Cœur, argentier du roy de France, lequel avoit esté faict prisonnier, et depuis eschappé de prison.
Au dessusdict an cinquante-trois, par le chancellier de France, en la personnedu roy de France, feut prononcée la sentence de Jacques Cœur, argentier d’icelluy roy de France; lequel Jacques Cœur, extraict de petite génération sans quelque noblesse, en sa jeunesse se boutta en marchandises , et petit à petit multiplioit telle-
ment qu’il se mesloit de toutes marchandises ; et devint sy puissant en marchandises qu’il avoit facteurs quy distribuoient ses marchandises par touts les royaulmes chrestiens, et mesme, comme on disoit en Sarrasinerie et ès pays des infidèles ; et avoient des facteurs sans nombre par touts pays, lesquels vivoient soubs luy, desquels la pluspart ne le avoient oncques veu. Et pour la richesse et conduicte de luy, le avoit faictle roy de France son argentier. Icelluy Jacques Cœur, comme on disoit, avoit esté cause que le roy de France avoit reconquis la duché de Normandie, par les grands deniers qu’illuy avoit prestés et avanciés ; et avoit faict audict roy maints prests et plaisirs. Il estoit sy riche qu’on disoit qu’il faisoit ferrer ses hacquenées et chevaulx de fers d'argent, et portoit de sa devise et livrée en escripture : À Cœur vaillant riens impossible. Et avoit faict faire à Bourges en Berry une maison la plus riche de quoy on pooit parler. Toutesfoisicelluy roy Charles, l’an précédent cinquante-deux, sousumbre de certaine accusation de crime que luy imposa la damoiselle de Mortaigne! et aultres, icelluy roy Charles leavoit faict faire prisonnier, et tenir en prison fermée bien estroictement et bien gardé ; de laquelle il eschappa, par moyen qui seroit long à raconter, et s’en alla à Rome; et illecq se tenoit aussy honorablement comme il faisoit en France ; car, nonobstant que tout ce qu'il avoit en France, que on estimoit valloirung million d’or, quy vault dix cents mille escus, le roy avoit faict tout mectre en sa main, et n’en avoit rien, sy estoit-il encoires riche, pour les grosses marchandises qu’il avoit hors du royaulme. Et feut sa sentence telle :
« Combien que Jacques Cœur ait ung chrestien , lequel estoit eschappé des mains des Sarrasins, par convoitise ou aultrement, comme Infidèle, rendu aux mains des Sarrasins, avecq ce ait baillié et deslivré aux Sarrasins , ennemis de la foy chrestienne, armures de toutes sortes, forgiées à usage de guerre, et mesmement envoyé plusieurs ouvriers pour icelles faire, etinstruire les Sarrasins,quy paravant n’en avoient oncques eu nuls, et induement ait prins et rapiné plusieurs finances sur les pays du roy, tant en Languedoc comme ailleurs, pour lesquelles causes et crimes, par rigueur de justice, il ait desservi mort : le roy, veuillant toujours
{1) Mortaing.
user de miséricorde, luy remet la mort et luy saulve la vie, et le condampne à rachepter le chrestien qu’il a revendu, quelque somme d’argent qu’il doive couster , ou ung chrestien rachepter des mains des Sarrasins, se ravoir on ne le peult.
« liem, pour deniers induement prins au royaume , il le condampne à cent mille escus.
« Et pour offenses à luy commises à plusieurs et diverses fois, à trois cents mille escus ; et le surplus de touts ses biens confisqués au roy.
« Et avecq cele bannit a tousjours du royaume de France, réservé tousjours la bonne grace et plaisir du roy 1. »
Et au regard de la damoiselle de Mortaigne, laquelle le avoit faussement accusé de plusieurs crimes, jà-soit-ce que à ceste cause euist confisqué corps et biens, le roy luy a redonné sa vie en faveur de son mary et prédécesseurs, quy ont servi le roy de tout temps; et feut condampnée de faire amende honorable au roy, c'est à scavoir ou à son procureur, en disant que faussement et desloyaument elle avoit accusé d’aulcuns crimes ledict Jacques Cœur, Jacques Coullognes et Martin Prandous, en requérant à Dieu, auroy et à justice, pardonet mercy,
