CHAPITRE XI
Comment le chevallier Blanc occil vingt-quatre mille Turcs, et envoya dix-huict Turcs, à savoir: six au pape, six au roy de France, et six au duc de Bourgoingne;et de la condempnation de maistre Guillaume l'Ollive, docteur çn théologie, comme vaudois,
En ce temps,ung nommé le chevallier Blanc, mareschal de Hongrie, lequel n’estoit point noble, mais estoit ung mareschal, lequel se meit en ladicte guerre soubs Le roy de Hongrie, duquel il feut depuis ung grand capitaine, se meit sur les champs pour combattre le Turc; et avoit en sa Compagnie de vingt à vingt-quatre mille combattants; lesquels Tures avoicnt jà gagné le port de Sambonne, où estoient bien quatre-vingt mille, auquel port feut quinze jours pour attendre toute puissance quy sur eulx pourroit venir, Ce venu à la cognoissance dudict chevalier Blanc, se partit de Moreuve? et vint joindre au Turc environ deulx heures devant le jour; et tellement se combattit sur ceulx quy cstoient sur terre qu'il en mourut jusques au nombre de vingt-quatre mille; et ceulx quy estoient en la mer, voyants le déluge et fortune estre tournée sur leurs gents, s’enfluirent et ne peulrent estre poursuivis, pour ce que ledict chevallier Blane n’avoit nuls navires.Toutesfois lesdicts Turcs se combattirent valliamment; ct y feut le chevallier Blanc fort navré et plusieurs de ses gents. En ceste desconfiture feurent prins cinquante Turcs ou environ, desquels ledict chevallier Blanc en envoya six au pape Nicolas, six au roy de Franceet six au duc de Bourgoingne:; et feut illecq prins aussy Le cousindu Turc. En celluy an mourut le pape Nicolas, quy estoit en sa force ; et feut trouvé qu’ilfeut empoisonné; 'et succéda en la papalité le pape Calixte.
L’an dessusdict cinquante-trois, par ung dimanche, surveille du jour de Noël, feut eschaffaudé et preschié publiquement et condampné perpétuellement estre en prison de l’évesque en la cité d'Evreulx en Normandie, ung nommé maistre Guillaume de l’Ollive, docteur en théo-
mené en la ville de Poitiers, et illecq questionné. | logie, prieur de Sainct-Germain-en-Laye, et au
(4) Béarn. (2) Pontefract.
(4) Jean Corvin Hunniades. (2) Peut-être pour Moravle.
devant augustin et de certains aultres ordres, lequel, par tentation et exhortation de l'ennemi d'enfer, auquel il s’estoit donné pour accomplir ses délices mondains, et par espécial pour faire son plaisir d’une dame chevallieresse, comme on disoit, se meit en telle servitude de l’ennemy qu'il luy convenoit estre en certain lieu toutesfoisqu’ilestoit invité par ledict ennemi; auquel lieu ils avoient accoustumé de faire leur consistoire; et ne luy falloit monter que sur ung bastoncel, qu'il estoit prestement transporté là où ledict consistoire se faisoit. Et confessa icelluy maistre Guillaulme, de sa bonne vollonté, avoir faicthommaige äl’ennemy, estant en semblance et espèce d’ung mouton, en le baisant par le fondement; et persévéra par diverses années en son dampnable propos ; et avoit tousjours aide de l’ennemy en tout ce qu’il luy voulloit requérir, jusques à ce qu'il feust accusé et atteint d’icelluy maléfice et détenu prisonnier. Depuis lequel emprisonnement faict par justice, la puissance de l’ennemy ne feut de nul effet ; etdemoura icelluy maistre Guillaulme en prison en la fosse, au pain et à l’eau. Par ladicte condempnation enicelluy emprisonnement, luy feut remonstré par l’inquisiteur moult haultement et solemnellement les belles prédications et enseignements qu'il avoit faictsau peuple au temps passé, quand il alloit par les pays preschier la foy de Jésus-Christ ; et plusieurs aultres remonstrances luy feurent faictespar ledict inquisiteur. Après laquelle remonstrance, icelluy maistre Guillaulme, scachant que bonnement ilavoit délinqué bien grandement envers nostre rédempteur etcréateur, commença à gemir et douloir de son mesfaict, en criantmercy à Dieu et à justice, en soy recommandant aulx prières des assistants; puis feut mené en la fosse pour faire pénitence du très horrible cas quy luy estoit advenu.
