LIVRE III, CHAP. XIV

soir , se logea en une hostellerie où pend pour enseigne, à l’Ostour; et le lendemain s’en alla vers l’église Nostre-Dame, cuidant faire son exploict à l'entrée du portail. En laquelle église il trouva ung chevallier de Portugal, de l’hostel du duc de Bourgoingne, accompagnié de plusieurs gentsde guerre, lequel pria audict maistre Jehan qu'il se déportast d'entrer en ladicte église ; et feut le dict seigneur du parlement constrainct de s'en retourner à Paris sans riens faire. Et peu de temps après, le duc Philippes de Bourgoingne en personne, et le comte de Charrollois son fils, vint mectre ledict Jehan Goddefroy, abbé de Luceux, par bulle du pape, en possession de l'éveschié; et tint audict abbé compagnie à faire son entrée audict éveschié, quelque deffense au contraire faicte par le roy.. Et depuis ce faict, voyant ledict maistre Denis quecontreledict duc ne pooit résister, s’accorda audict Jehan, évesque d’Arras, et lui quitta et transporta son droiten ladicte éveschié, moyennant que, pour les frais et despens qu’ilavoit fait à cause dudict éveschié, il fourniroit quatre mille francs monnoie royale; et moyennant ce il renonça au droict qu'il avoit en l’éveschié.