CHAPITRE XIV
Comment le pape Nicolas envoya devant le duc Philippes! de Bourgoingue ung chevallier avec la copie d'unes lettres quele grand Turc avoit escriptes au pape Nicolas.
En l'an de l'Incarnation de Nostre-Seigneur milquatrecentscinquante-trois, la nuict Sainct- Martin d'hiver, en Lille en Flandres, arriva ung chevallier envoyé par nostre Sainct-Perele pape Nicolas devers le duc Philippes de Bourgoingne ; lequel chevallier apporta unes lettres audict duc, de par ledict pape Nicolas, contenants comment le grand Turc, accompagnié de la grande multitude de payens et Sarrasins, estoient entrés en chrestienneté, et déjà avoient prins la cité de Constantinople en Grèce et l’empereur décollé, sa femme violée, traisné Phostie consacrée ou précieux corps de Jésus-Christ par les rues, le corps de madame saincte Sophie arse et bruslé, destruit toute ladicte ville, et occis les chrestiens grands et petits, et conquesté toute la Grèce; et s’efforcoient de plus en plus entrer en chrestienneté et destruire les pays des chrestiens ; pourquoy ledict pape Nicolas prioit et requéroit au duc de Bourgoingne que, comme bon chrestien et fils de
saincte Eglise, il se vollust disposer et ordonner de faire aide aux chrestiens contre les ennemis de la foy. Après ce que le duc olt leu icelles lettres, lediet chevallier luy presta la copie des lettres que ledict Grand-Ture avoit envoyées audict pape Nicolas, dont la teneur s'ensuit :
“« Morbesant, Hopresant, ensemble ses frères, Callabilabra, collatériaux chevalliers de l'empire de Organcy ?, seigneur de la presqu’Isle d'Achaye, au grand prestre de Rome, nostre bien-aimé, selon qu'il a desservi. Il est venu à nostre cognoissance que, à la requeste du peuple des Vénitiens, vous faictes publier par les églises d'Italie que touts ceulx quy nous feront guerre auront plein pardon en ce monde et vie éternelle en laultre; de quoy avons esté acertenés par aulcuns piétons croisésquy naguières ont passé la mer ennavirede Vénitiens : et de ce nous donnons grand merveille; car,se Dieu vous a donné telle puissance, vous en devez user raisonnablement, sans pour ce induire les chrestiens à nous faire guerre, attendu que nous sommes certains que nos prédécesseurs ont toujours maintenu que oncques ne feurent consentants de vostre Jésus-Christ crucifié, et ne possèdent point la Terre-Saincte, ains ont toujours hay les Juifs, pour ce que nous trouvons en nos histoires et croniques, que par envieet trahison meirentledict prophète vostre Jésus-Christ en la main de Pilate, président en Jérusalem pour les Romains, quy le feit mourir en croix ; et d’aultre part, prenons à grande desplaisance que les Italiens nous fassent guerre, veu que nous avons à eux naturel amour, pour ce qu'ils sont partis de nous, ensemble toute leur gloire, nom et puissance, c’est à sçavoir, de Anthenor, venant du lignage du grand Prian, jadis seigneur de Troyes, le grand chef de la nation des Turcs ; et pour ce, comme son successeur, entendons et proposons rédifier ladicte cité de Troyeset remectre en estat sa scigneurie, et ramener à obéissance de nostre empire toute l’'Enrope. Et singulièrement en vengeance du sang de Hector, et subversion de la noble cité de Troyes et pollution du grand temple de Pallas , subjugué avons toute la Grèce ct les habitants d’icelle,
{t)Hest inutile de s'arrêter à discuter l'authenticité de cette leltre ridicule, rapportée par plusieurs chroniqueurs.
(a) Urgentz, voyez l'Atlas catalan de 1374, publié par moi dans les notices des Manuscrits. de la Bibl. du roi, {. XIL.
comme successeurs et héritiers de ceulx quy feirent ladicte destruction de Troyes, ensemble les terres que tiennent les Venitiens, et qu'ils ont par force submises, à nous promises par le sort des prophéties. Sy prions et requérons vostre prudence que doresnavant vous déportez de donner telles bulles et que ne sollicitez les chrestiens à nous faire guerre , attendu que ne sommes aulcunement desliberés à leur faire guerre à cause de leur créance et foy, mais seulement pour ledroicttemporel que avons èsdictes terres de nostre conqueste ; car sy nous ne adorons Jésus-Christ, nous le confessons et sçavons estre vostre prophète. Et derechief nous avons souvent entendu, queen vostre loy ne devez aulcuns constraindre par force ; car se nous faisons guerre aux Vénitiens, nous la faisons à juste tiltre, pour ce que, sans auctorité de prince ou de seigneur, ils, de leurs volontés et forces, ont usurpé les terres qu’ils détiennent en Europe, ce que ne pourrions, ne ne debvrions bonnement souffrir. Ains , puisque le temps de nos promesses est présentement advenu, sommes desliberés de mectre lesdictes terres hors de la tyrannie desdicts Vénitiens ; et mesmement que ledict peuple des Vénitiens ne communique en riens avec les aultres nationsd’Italie, ains se réputent les plus grands des aultres : parquoy, à l'aide du grand Dieu Jupiter, avons intention de rabaisser du tout leur orgueil et mectre tout au bas. Toutefois, si pour les choses dessusdictes n’estes desliberé de cesser de nous faire esmouvoir guerre, Soyez certain que nous mectrons sus toute nostre puissance, et requerrons l’aide de l’empereur d’Organ et des aultres princes et roys d'Orient, quy jusques à ores faignent qu'ils dorment et ne vous font guerre ; et assemblerons sy grand puissance que nous pourrons lors résister, non seulement à vos piétons croisés que vous avez envoyés, mais Sÿ vous esmouvez contre nous les Galles et les pays latins, nous y résisterons à toute puissance par l’aide de Neptune, dieu de la mer; et par la puissance de nostredict navire Conquesterons l’isle de Lesponte!, et d’illeccq entrerons en Croacie et Dalmatie, régions d’Acquilon. Donné en nostre palais triomphant , l’an de Mahomet dix 3, au mois de juing. »
(4) Hellespont.
(à) L'ignorant auteur de cette lettre apocryphe, qui fait .de Jupiter et de Neptune des dieux mahomélans, pouvait sans
Par lesquelles lettres dessusdictes apparoit la cantelle du grand Turc, quy met en avant qu’il ne vouloit point de guerre aux chrestiens à cause de leur foy, mais seulement pour occasion de recouvrer sa seigneurie temporelle, qu'il disolt luy appartenir à cause de Troyes la grande, dont il estoit party, commeil disoit ; et tout ce qu’il disoit n'estoit à aultre fin synon de destourber les princes à donner aide et confort aux Vénitiens et aultres pays chrestiens.
