CHAPITRE XVL

Comment le duc Philippes de Bourgoingne feit flancer à son fils la fille du duc de Bourbon, laquelle estoit fille de sa sœur ; et comment après ce ledict duc se partit et s'en. alla en AIlemagne, pour trouver passaige et avoir aide et compagnie pour aller sur les Infidèies.

Environ huict jours après ce que le duc Philippes de Bourgogne olt faict Ice banquetet vœulx dessusdicts, en la première sepmaine de mars, ledict dac de Bourgoingne feit fiancer à Charles, son fils légitime (et plus n’en avoit), Catherine, fille du duc de Bourbon , sa niepce, fille de sa sœur. Pour lequel marriage parfurnir il envoya à Rome Jehan, évesque d'Arras, pour avoir une dispensation de nostre Sainct-Père, pour parfaire ledict marriage. Après ce faict, le duc de Bourgoingne congia touts ses officiers domestiques jusques à vingt-deulx mois passés, qu'il espéroit estre autant dehors ; de quoy ses serviteurs feurent eshahis; car plusieurs en y avoit quy n'avoient point tant espargné quepour vivre sans gage ledicttemps durant. Et le quinziesme jour de mars ensuivant, l’an dessusdict cinquante-trois , le duc de Bourgoingne se partit de Lille à privée compagnie, et print son chemin par Bourgoingne, et puis s’en alla ès Allemagnes pour cuider trouver l’empereur illecq, affin de scavoir audict empereur d’Allema gne et aulx aultres princes s'ils ne voldroient point faire secoursaulx chrestiens,etaussyse par lesdictes Allemagnes ses gents polroient passer sans avoir encombrier. saules Allemagnes, de plusieurs grands princes il feut moult haultement et notablement festoyé et bienvenu ; mais il ne parla point à l’empereur; ains envoya l'empereur devers luy,mandant qu'il se despor-

tast de venir vers luy, pour certaine maladie qu'ilavoit. Auleuns disoient que l'empereur feignoit estre malade, et qu’il ne Pestoit pas; mais il ne volloit pas parler audict duc, doubtant que s'il parloit, que le duc luy eust tant requis d’aller sur les Turcs qu'il ne l'eust sceu bonnement refuser ; et toute voye il n'y volloit pas aller, car icelluy empereur Frédéric n’estoit pas chevallereux en armes, ains estoit tout quoy avecq sa femme, etne ly chaloit de guerre. Toutes voies les messagiers d’icelluy empereur quy vindrent vers le duc prindrent journée de eulx retrouver devers le duc et l’empereur , se faire se pooit , en dedans six mois, pour lors conclure sur les requestes que le duc faisoit aulx ambassadeurs de l’empereur, au nom dudict empereur , touchant le secours qu'il avoit intention de faire aux chrestiens. Ces chosesainsy faictes, le duc s’en alla et retourna des Allemagnes et s’en vint à Digeon en Bourgoingne, où il se tint une espace de temps.