CHAPITRE XVII

Du marriage du comte de Charrollois à la fille du duc de Bourbon, et comment le duc, quand il retourna en sCs pays, feut grandement festoyé et l'honneur que on lui feit.

L'an de grace mil quatre cents cinquantequatre, le pénultiesme jour d’octobre, après ce que la dispense de cour de Rome feut venue, par le commandement du duc Philippes de Bourgoingne, lequelavoitenvoyé icelle dispense contenant comment le pape dispensoit Charles, comte de Charrollois, fils du duc Philippes, et luy donnoit congié de prendre à femme et espouse Catherine de Bourbon, sa cousine germaine, enfants de frère et sœur, en la ville de Lille en Flandres, icelluy Charles espousa ladicte Catherine de Bourbon, la duchesse sa mère estant à Lille, et ledict duc à Digeon en Bourgoingne. Et feut ledict marriage si forcément faict que, la nuict dedevant, ledict Charles n’en savoit rien. Et disoit-on que ledict Charles ne le faisoit point volontiers, pour autant que c'estoit sa cousine ; et aussy que la duchesse sa mère et Anthoine le bastard, et aultres, le induisoient fort à soy marrier en Angleterre à la fille du duc d’Yorck, lequel duc disoit appartenir à luy le royaulme d'Angleterre, de quoy ledict duc feut adverty; et pour ceste cause,