CHAPITRE VI

Comment la guerre recommença entre les roys de France et d'Angleterre, et feurent toutes trefves rompues.

Charles, roy de France, duement informé que les Anglois faisoient la guerre au royaulme d’Escosse et au roy d’Espaigne, ses alliés, quy estoient comprins ès trefves qu’il avoit aulx Anglois, et pareillement à ses subjects de La Rochelle, de Dieppe et d'ailleurs, continuellement, sans rendre ne réparer choses qu'ils aient faict contre icelles trefves, ne par mcr ne parterre, combien que par plusieurs et diverses fois , spécialement pour la ville de Fougières , il les avoit fait sommer et requérir par ses ambassadeurs et ceulx du duc de Bretaigne, tant au roy mcsme , en son pays d'Angleterre , comme à ceulx quy, de par luy, avoient le gouvernement de Normandie ; et mesmement quand et les trefvesavoientduré, les Anglois de Mante et Vernoeul et Laigny alloient sur les chemins de Orléans et de Paris, desrobber et copper les gorges aulx bonnes gents et marchands qui passoient leur chemin; et le semblable faisoient les Anglois de Noeuf-Chastel, de Gournay, de Gerberoy, sur les chemins de Paris et Amiens ; et avecques ce alloient de nuict par le plat pays, prendre, copper les gorges et meurdrir les gentilshommes de l’obéissance du roy, en leurs licts. Et ceulx qui faisoient cela se faisoient appeler les faulx visages, et se vestoient et desguisoient de habits dissolus et espouvantables, affin qu’on ne les recognust ; lesquelles choses estoient refusans de réparer. Pour lesquelles causes et aultres, le roy délihéra par conseil de leur faire la guerre par mer et par terre. Et feirent, luy et le duc de Bretaigne, assembler leurs gents de toutes parts. Durant lequel temps es Anglois feirent uue saillie sur les gents du

RS

morts, six vingts Anglois.