CHAPITRE VII

Comment la ville de Vernoeul feut prinse par ung molnier, et le chastel assiégé.

En ce temps, ung molnier de la ville de Vernoeul, quy avoit son moulin contre les murs d’icelle ville, feut battu d’ung Anglois faisant le guct, pour ce qu’il dormoit, lequel alla de despit vers le bailly d'Evreulx, et luy promit, moyennant certaines convenances faictes entre eulx, de le boutter dedans la ville. Et s’assemblèrent messire Pierre de Bresay , séneschal de Poitou, ledict bailly d'Evreulx, Jacques de Clermont et aulires, et chevauchèrent tant que touts ensemble se trouvèrent , le neuviesme jour de juillet, l'an quarante-neuf, au poinct du jour, près des murs de la ville de Vernoeul. Iceluy molnier, quy faisoit le guet ce jour, feit descendre les aulires quy estoient au guet plus matin qu’ils n’avoient accoustumé; et pour ce qu’il estoit dimanche se hastèrent d’aller à la messe pour des-juner. Les François, à l’ayde du molnicr, dressèrent les eschelles au droit du moulin, et entrèrent dans la ville sans estre apperceus. Ils estoient dedans six vingts Anglois, dont Les aulcuns feurent tués et prins, les aultres se retirèrent au chastel à grande haste. Le lendemain , le molnier osta et tollit unc partie de l’eaue des fossés du chastel, lequel feut assailly et deffendu moult valeureusement ; mais à la fin feut prins d’assault, où il y eut moult belles armes faictes, ct par espécial par le séneschal ; et là feurent morts et prins plusieurs Anglois. Les aultres se retirèrent en grande haste en la Tour-Grise, laquelle estoit moult forte et imprenable, tant qu’il y eust à mangier dedans ; car elle est haulte et grosse, bien garnie et environnée de fossés pleins d’eaue.