CHAPITRE XXIII
Comment le duc d’Yorck se combatlit au roy d’Augivicrre, el y mourut le duc de Sombreset et aultres seigneurs, et reprint le duc le gouvernement du royaulne, et sv feut le rox blescié.
En l’an précédent mil quatre cents cinquantecinq, Henry, roi d'Angleterre, par le conseil du duc de Sombreset, manda touts les seigneurs de son royaulme venir vers luy, en leur simple estat, pour ordonner des haultes affaires de son rovaulme, comme ils disoient, dont en vint une grande partie à Londres. Le duc d'Yorck s’appensa qu’il se y trouveroit à la journée. Et de faict se meit en chemin, et partit de son pays atout mille combattants, et après luy quatre à cinq mille combattants. Le roy et ceulx de Londres feurent bien advertis de mille combattants, mais non pas des aultres quy venoient après. Sy se délibéra le roy et le duc de Sombreset , accompagniés du comte de Nortombellant et plusieurs aultres seigneurs avecq eulx, à tant de gents qu'ils peurent finer à Londres, de aller allencontre de luy et le ruer jus. Sy se meit le roy sur les champs, luy et son ost,et chevaucha tellement qu’il rencontra iceluy duc ; et incontinent, sans quelque parlement, commencèrentles parties à frapper lesungs sur les aultres ; et là feut sy fort combattu qu’il y olt grande foison de morts d’ung costé et d’aultre. Toutesfois la journée de la victoire demoura au duc d'Yorck; et là feut tué le duc de Sombreset, le
comte Nortombellant et plusieurs aultres, tant seigneurs que aultres, jusques au nombre de quatre à cinq cents hommes ; et mesmement feut le roy navré et blescié d’une flèche parmy le col, et feut en grande adventure de son corps; et preint le duc d’Yorck plusieurs prisonniers, tant seigneurs, nobles que aultres, lesquels il mena à Londres avec le roy;et là feurent les ungs délivrés et les aultres punis selon leurs mérites. Et de ceste heure feut tout le gouvernement du roy renversé; et demoura le duc d'Yorck gouverneur du roy et du royaulme, seul et pour le tout.
En ce temps le roy de France tollit par force d’armes au comte d'Armignac la pluspart de toutes ses terres; lequel, quand il olt tout perdu, se retrait au royaulme de Navarre et d'Arragon.
Environ la fin du mois d'octobre, l’an cinquante-six, Philippes, duc de Bourgoingne, envoya en ambassade devers le roy de France messire Jehan de Croy, grand bailly de Haynaut et messire Symon de Lallaing, chevalier, et aoltres pour le faiet de monseigneur le daulphin de Vienne, en laquelle ils furent jusques au jour des trois rois ensuivant. Et ne peust-on scavoir ce qu'ils avoient besoigné ; mais durant ce temps le roy meit garnison de gents d’armes à Compiègne, à Lyon et sur les marches de Bourgoingne,et partoutenviron le pays du duc ; et pareïllement eulx retournés, le duc de Bourgoingne feit publier par touts ses pays : que touts ceulx quyseavoient accoustumés d’armer feussent près et en armes, toutesfois qu’il le demanderoit, sur lahart.
Audict an cinquante-six, environ le Noël, il olt son dernier jour le duc de Bourbon; et succéda en la duchié son fils, comte de Clermont, fils de la sœur du duc de Bourgoingne.
