LIVRE HI, CHAP. XXIL
ee dette se de nm eo ét ase o ee
Desquelles choses je m’attends à ce qu'il en est, Mais toutesfois le daulphin. scachant que le roy son père le contendoit à faire prendre secrètement, ou, se on ne le euist peu prendre secrètement, de faire entrer à force au Daulphiné et le prendre à force, feit appointer ung disner en une forest pour cachier!, et illecq faindit de aller disner, et y faire une grande feste. A icelle feste le cuida prendre le comte de Damp-Martin, et feit touts ses aguets pour le prendre; mais le daulphin, le jour qu’il devoit partir pour aller à la chasse, luy sixiesme ou septiesme, se partit; et à tucr cheval chevaucha vers les marches de Bourgoingne. Et ja-soit-ce que, tantost que on sceut son département, il feust suivy du comte de Damp-Martinet aultres de moult près, et si prèsque on ne pourroit plus, toutesfois il leur eschappa. Et chevaulcha tant qu'il vint à Sainct-Claude en Bourgoingne; et illecq feut receu moult honnorablement du prince d'Orange, lequel estoit grand seigneur en Bourgoingne ; lequel prince, paravant, ledict daulphin avoit moult hay pour aulcunes destrousses que ledict prince et le mareschal de Bourgoingne avoient faicts sur les gents du roy et de ses gents. Toutesfois, luy estantavec le prince, il manda le mareschal de Bourgoingne, et le pria qu’il le menast devers le duc de Bourgoingne; lequel mareschal vint vers luy ; et, bien accompagnié de gents de guerre, convoya et amena le daulphin versle duc de Bourgoingne.Et arriva le daulphin environ le mois de septembre, l'an dessusdict cinquante-six à Louvain, en Brabant, et à Bruxelles, où le ducde Bourgoingne estoit ! Lequel duc, tantost qu’il sceut sa venue, alla allencontre de luy,et le receupt moult honorablement comme aisné fils du roy de France, et tant honorablement que on ne pourroit plus ; et luy donna, pour entretenir son estat , deux mille couronnesd’or le mois, lessoixante-dix couronnes pesants le marc de huict onces, et avecq ce luy pria qu'il eslust pour sa demeure telle place qu’il luy plairoit en toutsses pays. Lequel daulphin esleut et print une place et forteresse en Brabant, nommée Genappe , laquelle estoit à quatre lieues près de Bruxelles. Et depuis ceste heure feut le mareschal de Bourgoingne totalement en la grace dudict daulphin, comme il monstroit.
(1) Chasser,
En iceluy an mil quatre cents cinquante-six, environ le mois de may, Thiébaut de Luxembourg, chevallier, seigneur de Fiennes, frère germain au comte de Sainct-Pol , s’en alla rendre moine de Cisteaux, en l’abbaye de Cisteaux, lequel Thiébaut estoit de l’agede trente-six ans, très beau chevallier, et avoit esté marrié à la fille du seigneur d’Anthoing, de laquelle il avoit à celuy jour plusieurs enfants, et estoit sa femme morte ; et disoit-on que dès son enfance avoit eu volonté d’entrer enreligion et servir Dieu. Toutesfois, jusques au jour qu’il se rendit, avoit esté moult mondain, valliant chevallier et gentilhomme; mais il n'olt guerre esté en religion qu'il ne feust abbé d'Igny, et puis olt des aultres abbayes ; et tant feit qu’il fust évesque du Mans, et puis alla en cour de Rome, affin d’avoir plus d'honneurs et de bénéfice.
