LIVRE III, CHAP. XX VI
d'Emeryes, fils du chançelier de Bourgoingne, | yaleton du pays de Champaigne vers Bourgoin-
lesquels estoient chambellans d’icelluy Charles, comte, seul fils du duc de Bourgojngne ; et Ja raison feut, pour ce que chascun des deulx contendoit, en l'absence du seigneur d’Aussy, lequel estoit premier chambellan d’icelluy comte de Charollois, estre le premier après luy. Et tant que ce bruit vint à la cognoissance du duc de Bourgoingne, lequel manda son fils, et luy commanda que le seigneur de Sempy feust le premier; lequel respondit au duc son père, que jamais ceulx de Croy ne le gouverneraient, ainsy qu’ils le avoient gouverné, et que trop le avoient gouverné. Pour lesquelles paroles le duc se courrouca sy fort à son fils qu'il luy dict par courroux plusieurs injurieuses parolles, en luy faisant commandement qu’il vidast ses pays; et tira une dague qu’il portoit, pour le férir ; et le eust féru s’il ne seen feust fuy, car il en feit tout son pouvoir. Et après qu'il feut parti, jàsoit-ce qu'il feust près de la nuict, le duc manda ung cheval et monta sus; et non-obstant qu'il pleust très bien et feist ard temps, se partit tout seul de Bruxelles, et, comme homme çourroucé s’en alloit, ne lui en chaloit où, comme on disoit. Et la nuict venue, ilse trouva en ung bois auquel il se perdit; et faillit qu’il se couschast en la maison d’ung povre homme, audict bois; lequel povre homme le conduisit jusques à Genappe, quy est, comme dessus est dict, à quatre lieues près de Bruxelles ; auquel povre homme il donna hyict pièces d’or. Et combien qu'on ne scavoit où il estoit allé, toutesfois il feut incontinent suivy de sesgents, et tant quis ? qu’on le trouva ; et feut tantost bien accompagnié et s'en revint à Bruxelles.
Et le vingt-uniesme jour dudiet mois de febvrier, à la requeste de monseigneur ledaulphin, del’évesquede Liége,nepveu du duc, de la femme d’icelluy comte de Charollois, de l’évesque d’Utrech et de la duchesse de Bourgoingne, le duc pardonna à son fils son courroux et mal-talent. Mais pour tant que son fils avoit esté, comme on disoit, induict par aulcuns ses serviteurs de vouloir avoir, contre la volonté de son pére, le seigneur d'Emeryes à premier chambellan, le duc feit bannir de toutsses pays deulx des principaulx serviteurs de son fils: le premier, appelé Guillaume Visse, maistre de sa chambre, lequel, ne avoit guières de temps, estoit venu un povre
(1) Sale. (3) Cherché.
gne, et avoit premier servy Martin Cornille, comme recepveur général et garde des chevaulx, et de là servitledict comte de Charollois ; le second feut ung escuyer natif du pays de Bourgoingne, nommé Guyot Duisy.
Environ ce temps, monseigneur le daulphin et le comte de Charollois s’en allèrent à la chasse, en laquelle le daulphin se perdit, luy troisiesme, en ung bois, et parcillement se perdit le comte; et quand vint sur le soir, le comte, cuidant que icelluy daulphin feust retourné, s’en retourna à Bruxelles ; et sy tost qu'il feut descendu alla voir son père, lequel luy demanda oüestoit monseigneur le daulphin ; auquel respondit qu’il ne savoit, et qu’il cuidoit qu’il fust revenu devant luy. Lors le duc se courrouca à luy, et luy commanda que prestement s’en rallast vers luy, et ne retournast jusques à ce qu’il l’auroit retrouvé ; ce que le comte feit , et y alla prestement. Et le duc fcit monter gents de touts lez à cheval atout ! torses ardentes pour le quérir; lequel s’estoit jà esloingnié huict grosses lieues de Bruxelles, n’euist esté ung paysan auquel il donna une pièce d'or, quy le ramena , tant qu'ilstrouvèrent le comte de Charolloisetaultres plusieurs quy le ramenèrent à Bruxelles vers le duc, lequel duc feit venir vers luy celuy quy le avoit ramené, auquel il donna ung beau don.
En cest an mil quatre cents cinquante-six, par ung mardy,dix-septiesme jour de febvrier, madame Catherine , femme du comte de Charallois et fille du duc de Bourbon, en la ville de Bruxelles, accoucha d’une fille. Et la tint sur fonts monseigneur le daulphin de Vienne, la duchesse de Bourgoingne, et ladamedeRavestain, niepce d'icelle duchesse, et femme de Adolf de Clefves ; et luy donna icelluy daulphin à nom Marie, pour l'amour de la reine de France, sa mère, laquelle s’appelloit Marie. À la nativité de laquelle fille on feit solemnelle feste. Et à porter icelluy enfant à fonts, alloit devant, le fils du duc de Gueldres, nepveu du duc de Bourgoingne , lequel portoit ung bacin ; après luy alloit Adolf de Clefves, nepveu aussy du duc, lequel portoit une couppe d’or ; et après alloit le comte d’Estampes, lequel portait ung cierge bénit. Aprèslesquels trois, la duchesse de Bourgoingne portoit l’enfant, et à sa dextre estoit le dessusdict dauphin, quy tenoit sa main sur le
(1) Avec.
chief de l'enfant, en le soutenant; et ÿ avoit cinq ,
cents torches ou plus Et feurent au baptesme l'évesque de Cambray, frère bastard du duc, et l'évesque de Toul, abbe de Sainet-Bertin. À la venue d'icelle fille, par touts les pays du duc, feurent faicts feus et grande feste.
En ce temps, dame Isabeau, duchesse de Bourgoingne et fille du roy de Portugal, feit faire une religion de grises sœurs de l’ordre deSainct- François, mendiants en Flandres, en ung lieu nommé la Motte-au-Bois, ès bois de Nieppe, et illecq s’alla tenir, menant vie de dévotion; et disoit-on qu’elle estoit mal du duc son mary, à cause du discord quy avoit esté entre son fils et son mary, et cuidoit le duc que ce euist esté par elle, pourquoy il ne vouloit parler à elle.
Audict an cinquante-six, par une nuict du vingtiesme febvrier, entre onze et douze heures à midy,enla ville de Tournay,ung nommé Guillebert de Brenay, recepveur de messire Guillebert d'Enghien, chevallier, assez près du Pont-à- Port, feut occis par trahison , en le frappant par-derrière par deulx compagnons, desquels deulx l'ung d'iceulx estoit frère de trois compagnons que icelluy recepveur avoit faict pendre par justice comme murdriers, touts trois à ung arbre. Et estoient menés à ceste guerre à cause d’ung héritaige que le recepveur avoit accepté, que ceulx frères disoient à eulx appartenir, dont guerre s’en estoit meue; et en avoit -morts de deulx costés de dix à onze hommes, que d’espée que par justice.
En ce temps, ung nommé Jacotin d’Athies, bourgeois d'Arras, tua en ladicte ville ung compagnon nonimé Miquelet de Wailly, sur le petit marchié, à l'entrée de la maison d'ung drapier où il cousoit chausses, et luy donna deux coups d’une espée dont il mourut; et feit ce au contempt que icelluy Miquelet avoit faict relever une fille de joye, quy estoit couchiée ‘avecq luy; lequel faict estant faict, Jacotin se rendit prisonnier à la loy d'Arras. De laquelle mort dudict Miquelet il feut jugié quitte et delivré à cause de ce que icelluy Miquelet estoit ‘semons à soixante livres, et estoit ès escripts de la ville; et a esté cause que, par leurs priviléges, le jugèrent quitte et delivré.
En cest an aussy, de rechief le duc de Bourgoingne renvoya devers le roy de France les dessusdicts Jehan de Croy etSymon de Lallaing, chevaliers, et aultres en ambassade. {
Audict an mil quatre cents cinquante-six, en la ville de Rome, mourut Jacques Cœur, où il s'estoit tenu honnorablement et richement,
. combien que le roy de France, dont il avoit esté
son argentier, euist retenu tout ce qu’il avoit en France. Après laquelle mort le roy de France
touts ses biens rendit à ses hoirs ; et se repen-
tit et feut moult courroucé de ce que oncques on le avoit faict mectre prisonnier.
En cest an aussy, environ la fin du caresme, mourut le patriarche d’Aquillée , lequel avoit surnom Jouvenel !; et estoient quatre frères, fils d’ungseigneur de parlement de Paris, dont l’ung estoit chancellier de France, laulire archevesque de Reims, luy patriarche d’Aquillée, et l’aultre chevallier en armes; et les avoit ainsy faict le roy de France pour le sens quy estoit en eulx , et qu’il les aimoit.
En cestuy an, on leva en la comté d’Artois les tailles que on avoit accordées au duc de Bourgoingne au cas qu’il iroit sur les Turcs ; et les leva-t-on par constrainte du duc, nonobstant qu'il n'allast nulle part, et qu'il euist dict qu'il n’en vouloit nulles, jusqu’à ce qu'il iroit sur lesdicts Turcs.
