CHAPITRE XX VII

Comment le duc de Bourgoingne mena le daulphin à Bruges, et de l'honaeur que on luy feil, et aulires choses.

Environ la Pasque ensuivant, mil quatre cents cinquante-sept, Philippes, duc de Bourgoingnese partit de Bruxelles,enla compagniede monseigneur Loys, aisné fils du roi de France, daulphin de Vienne; et s'en alla à Oudenarde au giste, et le lendemain au giste à Courtray, et de Courtray à Bruges. En laquelle ville de Bruges, ains qu’ils entrassent ens, vindrent allencontre d’eulx les nations quy se tenoient à Bruges, chascune nation vestue de divers couleurs, touts en habits de soie ou de velours. et les bourgeois pareillement. Et estoient, comme on disoit, bien huict cents hommes, touts vestus de soie, sans aultres richement habillés, et sans le peuple quy issit hors la ville pour veoir ledict monseigneur le daulphin. Et pour certain, monseigneur le daulphin n’avoit oncques mais veu tant de gents que issit de la ville, et n'euist point cuidé comme à peu en euist autant en la comté de Flandres, au moins en la pluspart.

(1 Juvénal des Ursins !