ET
En icelle ville de Bruges feut le daulphin, pour l’honneur du duc, et aussy que ainsy le volloit, receu moult honnorablement, et tant que on ne porroit de plus.
En ce temps couroient plusieurs maulvais garnements en Artois, en Picardie et ailleurs, lesquels desrobboient les pauvres gents, et aulcuns prenoient et vendoient aux Anglois; et si n'en faisoit-on nulle justice. Et s’accompagnoient aulcunes fois avecq ceulx de Calaix quy estoient Anglois. Et feut prins d’eulx environ ce temps ung gentilhomme de la comté de Sainct-Pol, nommé le Brun de Cuincy, en revenant de l'hostel de son frère, par aulcuns Aoglois, et mené à Calais; mais environ trois mois après, par lettres que le duc de Bourgoingne feit rescripre, il feut delivré sans rançon, mais sy luy cousta-t-il en despends plus de quatre cents couronnes d’or.
En ce temps aussy,en may,revindrent de devers leroy de France lesdicts messeigneurs Jean de Croy et messire Symon de Lallaing, ct arrivèrent à Bruges devers le duc; de ce qu’ils besoingnèrent je n’en pus rien sçavoir.
En ce temps aussy, le neufviesme jour de may, l’an dessusdict, ung compagnon labourier, nommé Florent, dit d'Aroustra, natif de Seclin, luy septiesme, feurent prins en la chastellenie de Lille, en ung villaige nommé Raimbaucourt; et feut ledict Aroustra, Hacquenet, Anglois, et encoires ung, luy troisiesme, pendus à ung arbre, et les aultres feurent menés à Lille prisonniers. Et la cause pourquoy feurent pendus estoit, que ledict Aroustra se tenoit ès bois, et par nuict alloit par les villaiges composer les
bonnes gents, et avoit tué un hostellain au Ponta-Rais. Et le craignoit-on moult fort, pour tant qu'il estoit accompagniéde plusieurs maulvais garcons; car quy ne luy donnoit ce qu’il demandoit, il les menaçoit de tuer, et ardoir leurs maisons. Il estoit le plus bel homme de tout le pays ; mais touts les jours il s'efforçoit de faire mal, et escripvoitès lieulx, au moins en plusieurs où il se hostelloit, comme par mocquerie : « Aroustra, si l’on te tient, on te pendra,» laquelle desrision et mocquerieluy feut prophétie.
En icelluy temps, ung pelletier nommé Jehan Pinie mourut le vingt-septiesme jour du mois dejuing audict an cinquante-sept; et le lendemain matin, ainsy que Jehan Pinte feut mis en terre, sa femme, laquelle estoit josne femme
