LIVRE III, CHAP. XXXJIL
EE
et selon les fenestres estoient tout du long des rues torches allumées ; et, disoit-on qu’il y en avoit plus de quarante mille, mais je m’en attends au voir . De carrefour en carrefour, dont il y a plus de quarante, avoit hourds 3 faicts, où on jouoit histoires par signes, les plus riches que on pooit veoir; et sur le grand pont en la rivière, avoit ung grand basteau couvert de drap, et tout autour des torses ardentes ; et sembloit qu’elles ardissent en l’eaue; et pareillement autour du basteau et dedans avoit plusieurs beaulx jeus de mistères. Par les carrefours aussy estoient grands feus allumés. Entre les aultres en feirent ung devant le Vieil Chasteau, où y avoit, comme on disoit, dixsept grosses charrées de bois, à quatre chevaulx chascun char; car, à bricfdire, du vivant d’homme, on n'avoit veu faire à roy nea princes Sy n0bleet richeentrée et recucil. Et ainsy alla le duc jusques à son hostel, où il meit plus de deulx heures, à cause des mistères que on luy monstroit. Et à l'entrée de son hostel, ceulx de la ville de Gand, lesquels avoient faict tuer ung lion, et dedans la peau du lion avoit ung homme, lequel vint prendre ledict duc par la bride de son cheval, et le mena dedans son hostel. Et le lendemain, tout avant la ville de Gand feirent feus; et mectoient tables par les rues, et y moangcoient et beuvoient; et ne voyoit-on que hourds chargiés de joueursde personnages quy en touts leurs jeux rendoient grace audict duc de l'honneur qu'il leur avoit faict, tousjours en eulx humiliant, et à l’honneur dudict duc et des seigneurs.
En ce temps, le quatorziesme de may mil quatre cents cinquante-huict, en ung villaige nommé Sonastre , à six lieues près d'Arras, ung compagnon à marier, laboureur, nommé Jennin de la Bouve, natif de Sailly-au-Bois, occit et murdrit sa mère, et luy donna trois coups de coustel, et puis luy couppa la gorge ; laquelle mourut sans confession. Après lequel faict, ledict Jennin feut prins par la justice dudict seigneur de Sonastre, et feut pendu audici lieu, le pénultiesme du mois ensuivant.
Au dict an aussy milquatre cents cinquantebuict, le quatorziesme de may, en la cité d’Arras, feurent prins par justice deulx compagnons , lung nonuné Jennin Boulois, natif de Leuze en Ha ynault, brasseur, de l’age de trente
(1) Vrai. (® Echaffauds.
six ans, l’aultre natif de ladicte cité, nommé Collart Muette, cordonnier, de l'age de dixhuict ans, pour le maudict et ord peschié de sodonie ; etconfessèrent leurs cas; et feut ledict Jenain bruslé et ards lez le gibet de l'évesque, nommé les Hochettes.
Le dix-septiesme du mois , feut, comme dict est, ards ledict Jennin, lequel avoit empunaisié de cestuy maudict peschié plusieurs bonnes villes, car il confessa l'avoir commis à Amiens, Sainct-Quentincitéetailleurs, et l'avoir continué l'espace de dix-huict ans. Ilen accusa plusieurs; dont il y olt prins à Arras deulx compagnons, l’ung nommé Oudinet Blas, natif de Blangy en Ternois, piqueur, l'aultre nommé Hacquinet l'Hoste, natif de Bouchain, brasseur. Lequel Oudinet cognutavoir faict ledict peschié despuis pasques passés seulement, avec aulcuns larcins; pourquoi il feut condamné par les eschevins d'Arras à estre ards. Et feut ards lez le gibet de la ville, le dix-huictiesme de may. Et ledict Hacquinet feut requis, comme clercq, par l’évesque; mais les eschevins d'Arras ne le voullurent rendre, ains envoyèrent devers le duc de Bourgoingne, leur seigneur, pour scavoir ce qu'il volloit que on feist : lequel duc leur rescripvit, qu’il voulloit que autant que ontrouvoit, feussent prestres, clercqs ou lais, que on les ardist. Cesteresponse eue par lesdictseschevins, condempnèrent ledict Hacquinet àestre ards ; et feut ards au lieu où ledict Oudinet avoit esté, à scavoir audict gibet d’Arras, le vingt-Cinquiesme de may ensuivant.
