CHAPITRE XXXIV
pe l'ambassade que le roy Charles envoya devers Phiñppes, duc de Bourgoingue, pour luy signifier qu'il fust au jour qu'il voulloit rendre la sentence du duc d'Allençon; et aultres
choses.
Audict an cinquante-huict, environ la fin du mois d’apvril, arrivèrent ambassadeurs de par le roy de France, Charles VIIe de ce nom. devers Philippes, duc de Bourgoingne, lesquels signifièrent audict duc : que le roy Charles avoit prins jour pour baillier sentence de deslivrance ou aultrement au duc d’Allencon, et aussy pour traicter d’aulcunes besoignes touchant le bien du royaulme, au quinziesme de juing audictan cinquante-huict, à une ville nommée Montargis, auquel lieu il avoit intention d’assembler les pairs de France, dont ledict duc estoit trois fois pair, c’est assavoir, pair et doyen des pairs,
J. DU CLEROCQ,
à cause de sa duchié de Bourgoingne, et pair à
cause de sa comté de Flandres, et pair à cause
de la comté d’Artois. Après laquelle significa-
tion faicte de par le roy Charles, ils sommèrent
au duc qu'il feust à ladicte journée, se bon luy
sembloit. Lequel duc respondit aux ambassa-
deurs : que, jà-soit que par la paix faicte d’entre le roy et luy en la ville d'Arras, le roy n’avoit sur sa personne quelque commandement, et n’estoit sa personne en rien subjecte à luy par ledict traictié, toutesfois, au plaisir de Dieu, il y seroit. Après laquelle response, lesdicts ambassadeurs partis, envoya Thoison-d’Or, son premier hérault, devers le roy. Lequel Thoisond'Or party, le duc feit publier par toutes les bonnes villes de ses pays : que tout homme quy avoit accoustumé de soy armer, fiefvés et arrière-fielvés, et archiers et arbalestriers sermentés des bonnes villes, se meissent en armes et feussent prests sus les champs le vingt-quatriesme de juing cinquante-huict. Et contenoit le mandement dudict duc : que c’estoit pour aller à Montargis à certain jour que le roy Charles luy a oitsommé qu’il y fust; sy estoitson attention d’y aller, à la plus grande arrivée et puissance qu'il pourroit. En ce temps pendant, faisoit visiter toute son artillerie, tant à Lille comme ailleurs, affin qu’elle feust preste.
Et pareillement le roy Charles avoit faict publier par tout son royaulme l’arrière-ban, et que on feust prest le premier de juing. Et disoit-on que c’estoit, pour tant que les Anglois estoient en grand nombre de gents de guerre prests pour venir en France, et ne sçavoit-on où ils debvoient arriver. Toutesfois on ne sçavoit au vray à quelle intention le roy le faisoit, ne se c’estoit pour guerroyer le duc de Bourgoingne, à cause qu’il soutenoit son fils aisné et le portoit et gardoit contre la vollonté du roy, au moins d’aulcuns de son conseil, ou se c’estoit pour résister auxdicts Anglois.
En ce temps, ledict Philippes, duc de Bourgoingne, pour certaines rébellions que ceulx d'Utrech faisoient contre David son fils, évesque d'Utrech, envoya Anthoine, son bastard, atout environ huict vingts lances et sept à huict vingts archiers, audict pays; et se partirent le vingt-cinquiesme de may; mais sitost qu’ils y vindrent, ceulx dudict pays serapaisèrent devers ledict évesque, leur seigneur; et s’en retourna ledict Anthoine, bastard, et sa compagnie.
En ce temps, le pénultiesme d’apvril, mourut messire Jehan de Bourbon, seigneur del’Escluse etde Carency,etmourutaudict lieu ;lequelmessire Jehan de Bourbon laissa quatre fils d’une dame, laquelle il avoit eue ains qu’il lespousast ; et estoit de petit lieu et avoit esté marriée à ung sien serviteur; et la tenoit dès le temps de son premier mary; et disoit-on que le fils aisné dudict monseigneur Jehan de Bourbon, nommé Loys, avoit esté engendré durant que ladicte dame avoit encoires son premier mary.
En cest an aussy, le huictiesme de juing, en la ville d'Arras, feut jugé à pendre, et pendu au gibet,ung josne compagnon de l’age de vingtquatre ans, du pays de Brabant, nommé Henriet, et la cause feut pour tant qu’il avoit emblé ung calice et faict aultres larcins.
En ce temps, Philippes, duc de Bourgoingne, en la ville de Bruxelles, olt une très fortefièvre, laquelle fièvre neluy dura guières qu’il ne feust guéry. Durantlaquelle maladie, sa femme, dame Isabeau de Portugal, le vint veoir ; et jà-soit-ce que le duc n’avoit vollu parler à elle despuis que son fils le avoit courroucé, pour ce que le duc cuidoit qu’il euist usé de son conseil quand il le courrouca, toutesfois le duc receut ladicte dame sa femme très bénignement, et luy pardonna son mal talent, et plourèrent touts deulx ensemble.
En ce temps aussy, environ la Sainct-Jehan- Baptiste, en la ville de Paris, mourut Jehan, évesque de Meaulx, moine; et avoit esté abbé de Sainct-Omer, et estoit natif d’entour Aire en Artois.
