LIVRE III, CHAP. XXXVL
de ladicte dame de Habart, et y olt trente torses pour porter l'enfant aux fonts.Ledictseigneur de Habart estoit en ce temps fort craint en la ville d'Arras et environ, pour tant que plusieurs compagnons se disoient à luy, lesquels avoient faict plusieurs homicides, et tenoient fillettes, et ne faisoient touts les jours que combattre. Ledictseigneur de Habart estoit luy troisiesme de frères légitimes , Pierre et Raoul, lesquels estoient réputés valliants hommes de leurs corps, en guerre et aulirement.
Audict an aussy, le dernier d’aoust, le bastard d’Auteville , luy deuxiesme, au terroir de Celers, ledict bastard estant à cheval et son compagnon à pied, assaillirent ung bon laboureur, lequel amassoit avoine, nommé Jehan le Pucier , lequel Jehan se deflendit très fort; enfin ledict bastard l'occit et tua d’une longe de bœuf qu’il portoit, quy estoit ung long baston comme d’oseraie, que son compagnon tira, et, disoit-on, pour ce que ledict Jehan avoit prins à marriage une josne fille que ledict bastard aimoit.
Environ ce temps aussy, le vingt-sixiesme d’aoust, environ icelle ville de Celers, sept compagnons prindrent en plein champ une josne fille, laquelle amassoit avoine avecq sa mère et sa sœur, et battirent la mère et la sœur tellement, que la mère feut en péril de mort; et amenèrent ladicte fille ; et trois jours après vindrent à la feste audict Celers ou aultre ville environ; et ramenèrent la fille, laquelle disoit que c’estoit de son bon gré qu’ils la avoient emmenée.Toutesfois, combien que les amis de la fille s’en allassent plaindre at seigneur de Crieritouft, qu'y estoit à Arras devers ledue , lequel ne s’en bougea.
À la vérité dire, en ce temps on faisoit sy peu de justiéé, pourquoy on faisoit tant d’occisions et de larcins que sans nombre; et n’y avoit hornme de pied, laboureur, marchand, ny aultre, quYy osast alle? par les champs, quy ne portast ung espieu, hache ou aultre baston, pour doubte des maulvais garcons et sembloit que chascun feust homme de guerre ; et quand les manants du pays propre avoient desrobbé auleuns de nuict, on disoït que c’estoit ceulx ds la garnison de Calais et tout ce se faiséit per faulte de justice.
Audict an, le quatriesme de septembre, en la ville d'Arras, sur les cresteaux de ladicte ville,
assez près de la porte de Meaulens, on trouva ung enfant nouveau-né mort, et avoit-on mis sur ledict enfant une grosse pierre de grès. Duquel faict feut soubçonnéeunefilledemourant à la maison Gillot Gissart, cordonnier, assez près, laquelle fille, ce dict jour au matin, estoit allée au villaige de Théluc, à la feste ; auquel lieu de Théluc, Robert Marcais, lieutenant d'Arras, l’alla quérir et la ramena à la Cour-le-Comte prisonnière ; laquelle confessa avoir eu ledict enfant, et le meurdry; pourquoy feut condampnéeà estre ardse, et feut ardse le sixiesme dudict mois.
En ce temps, Taneguy du Chastel, capitaine du chasteau et chastellenie de Beaucaire, assez près d'Avignon, clost son dernier jour; ‘et mourut de mort naturelle. Lequel Taneguy meurdritet occit Jehan,duc de Bourgoingne père dudict Philippes,duc de Bourgoingne, lequel feut
traitreusementet vilainement meurdry et occis
en la présence du roy Charles septiesme de ce nom, quy encoires vivoit, lequel roy estoit lors daulphin de Vienne; et feut meurdry sur le saulf-conduict dudict daulphin, comme assez pourrez veoir et savoir sy voulez lire les croniques sur ce faictes ; et se feit ledict murdre à Montreau-Fault- Yonne, en lan mil quatre cents dix-neufi.
Audict an, en plusieurs lieulx, les bleds feurent en-nielés, par espécial les purs bleds ; mais toutes voyes il feut grande planté? d’aultre bled, et feit bel aoust et secq.
