CHAPITRE XXX VII

bu lict de justice que le roy Charles tint à Vendosme; et com-

. ment le duc de Bourgoingne envoya une ambassade, en par-

tie pour excuser le duc d'Allençon, et prier au roy qu'il

euist pitié de luy; et des parolles moult notables que le duc

y feit proposer, ct après, la condempnation dudict duc d'AI

” lenchon; et des vers faicts en rhime que on sema en la cour ‘ du duc de Bourgoingne.

Charles, roy de France, lequel, comme dict est dessus, avoit eu intention de tenir son “parlement, qu’on appelloit lictde justice, à Mon- -targis, pour plusieurs choses touchant le bien de son royaulme, et par espécial, touchant le -faict du duc d’Allenchon, lequel estoit prison-

nier, pour tant que audict Montargis avoit trop peu de logis pour loger tant de gents comme à ce faire il con venoit, ordonna de faire, ce

(4) Voy. Georges Chastellain dans cette collection. (2) Quantité.

qu'il avoit en pensée de faire à Montargis, à Vendosme ; en laquelle ville de Vendosme, pour tenir son dict siége, ilentra comme il s'ensuit, le vingt-uniesme d’aoust, audict an cinquantehuict.

Premièrement, entrèrent en la ville douze chars armoyés des armes du roy et les chevaulx pareillement, réservé le premier char quy estoit armoyé des armes du grand-maistre-d’hostel du roy ; après, suivirent douze sommiers aussy chargiés des armes du roy, et chascun chatreton et varlet vestus de rouge; après les sommiers, entrèrent les menus officiers du roy, touts armés de brigandines, et chargiés de blanches houces' à la devise du roy; et estoientenviron cinquante, lesquels estoient conduicts par deulx huissiers d’armes ; après, entrèrent soixante crannequiniers, bien montés et armés de blanc harnois, chascun son crannequin en sa main, et ce qu’il y appartient, et leurs salades bien garnies et ung houcel dessous, couvert de houces blanches à la devise du roy, chargiés d’orfèverie bien largement ; après, entrèrent les archiers du roy bien habillés, saulf qu’en lieu de harnois blanc ils avoient brigandines , et estoient leurs salades à ceste facon qu’elles ne avoient point deux doigts de visière, et estoient en nombre de quatre-vingt à cent; après, alloient les seigneurs non armés, c’est à scavoir : le duc d’Orléans, le comte d’Angoulesme, son frère et aultres; et puis après deulx roys d’armes ou héraulx, et puis quatre trompettes, et puis aultres troisroysou héraulx ; après, alloit l’escuyer de l'escurie sur ung coursier, portant l’espée et l’escharpe du roy; et après, alloit le roy armé d’ung corset, vestu dessus d’une robbe sanguine à ploisi, et ung chapeau où il y avoit une moult riche bague; et avoit houceaux larges, et séoit sur ung cheval bay assez grand, dont la selle estoit fort garnie d'or ; après, suivoit monseigneur Charles de France, second fils du roy, et estoit armé et vestu comme roy; et suivoit la garde du roy où il y avoit cent à six vingt lances, tant de ceulx dela garde, comme des aultres princes et nobles hommes de son hostel, touts lesdicts de

| cent à six vingts hommes d’armes très bien en

point et bien armés, saulf la teste, et avoient devant eulx leurs pages touts ensamble. Et le vingt-sixiesme dudict mois d’aoust ensuivant,

(4) Housses. (9 Plis.

Charles, roy de France, en la ville de Vendosme, tant pour le faict du duc d’Allencon, comme pour aultre besoingne touchant son royaulme, tint son Jict de justice. Pour lequel lict tenir, touts les douze pairs y debvoient estre, dont la declaration s'ensuit : Premier, le doyen des pairs duc de Bourgoingne, le duc de Bourbon, le duc d'Anjou, ceulx feurent les trois pairs de France; après, le comtede Flandres, le ducd’Allencon et le comte de la Marche, ceulx-cy sont lestrois pairslais de France ; desaultres six pairs de France quatre sont, l’archevesque de Reims, l’archevesque de Langres, l’évesque de Laon et l’évesque de Noyon ; et pour ce que des dessusdictes pairies les roys avoient retraict de pieca à la couronne de France la comté de Champaigne, le roy feit illecq de sa propre volonté deulx nouveaulx pairs de France, c’est à scavoir : le comte de Foix et le comte d’Eu.

Etpourdesclarer les seigneurs quy estoient en la compagnie du roy, et comment le roy estoit assis pour tenir son lict de justice: Premier, estoit assis le roy en tel lieu et semblablement comme est assis au palais à Paris le premier président, réservé qu'il estoit assis quatre marches plus haultes que icelluy de Paris; à son costédextre, à deulx marches au-dessoubs, monseigneur Charles son fils, et dessoubs la dextre, ung degré plus bas du rang de son fils, à main dextre, le duc d’ Orléans, lequel n’approchoit point près à quatre pieds; après estoient, du costé dudict duc d'Orléans, les seigneurs du nom quys’ensuivent : c’est à savoir, Charles, frère du duc d’Anjou, le comte de Vendosme, le fils du duc de Savoye, et aultres ; et aulx pieds du roy, à deulx marches dessous, à main senestre, estoit le bastard d'Orléans, comte de Dunois, et le chancellier de France. A la main senestre du costé, estoit ledict comte de Dunois, assis comme lieutenant du connestable de France, pour ce que, incontinent que le roy feut assis, icelluy connestable, lequel estoit duc de Bre. taigne, vint devers luy, et, en la présence de son conseil, luy requist qu’il nefeust pas â rendre la sentence du duc d’Allencon, pour ce que ledict duc estoit son parent et son nepveu, laquelle requeste luy accorda le roy et le tint bien pour excusé. Du costé senestre estoient assis les autres six pairs de France, archevesques et évesques; et après, de leur costé, tout d’un rang, estoient les évesques de Paris.