LIVRE III, CHAP. XXXVIL
lencon, jà-soit-ce que, vu l’énormité des cas et crimes dessusdicts,les enfantsdudict d’Allencon, raison et les usages gardes en tel cas, deussent estre privés et desbouttés de touts biens, honneurs et prérogatives, et vivre en telle pauvreté et mendicité que ce feust exemple à touts aultres, toutesfois, en la remembrance des services faicts par les prédécesseurs dudict d’Allençon aulx prédécesseurs du roy, et de la chose publique et du royaulme, espérant aussy que lesdicts enfants se gouverneroient et conduiroient envers le roy comme vrais et loyaulx subjects doivent faire envers leursouverain seigneur, et en faveur et contemplation des requestes sur ce faictes au roy par le duc de Bourgoingne, oncle dudict d’Allencon, le roy, de sa grasce, modérantsa confiscation et fourfaictures des biens dessus declares, volsit et declara qu'ils fussent et demourassent à la femme et enfants dudict d’Allencon, reservé au roy l'artillerie, harnas et aultres habillements de guerre ; et au regard des terres, seigneuries et biens meubles, le roy retint à luy les villes, chastel, chastellenie et viscomté de Vernoeul, tant decà que delà la rivière de Arve, avec leurs appartenances, appendances et dependances desdictes villes, chasteaux, chastellenies et viscomtés, lesquelles, dès à présent, le roy volt adjoindre et incorporer au patrimoine du domaine de sa couronne; et avecq ce retint ledict roy le surplus des chasteaux, chastellenies, terres, viscomtés, seigneuries, rentes, revenus, possessions et biens immeubles quy feurent du duc d’Allencon, adjacentes et appartenantes d’icelluy duc; ensemble touts droits, nomsetactions quy feurentet polroient cscheoir, avenir, competer et appartenir audict d’Allencon à cause de ladicte duché, tant en possession, postérité que aultrement, et touts aulires droicts et seigneuries quy sont partisde la couronne et pairage, où qu'ils seroient, reservé la comté dePerche, dont cy-après sera faict mention, pour en faire et ordonner par le roy à son bon plaisir. Retint aussv le roy le chastel, chastellenie, terre et seigneurie de Sainct-Blanchy en Lorraine, ensemble le payage que ledict d’Allençon avoit et prenoit sur les ponts de Tours, et aultres rentes, fiefs et revenus que icelluy d'Allencon avoit et tenoit en ladicte ville et chastellenie de Tours, pour en faire et ordonner comme dessus.
Item, semblablement réserva à luy le roy les fois et hommaiges, droicts, debvoirs et recognoissances quy competoient et appartenoient audict d’Allencon, à cause de la comte de Perche; et au regard des aultres terres, seigneurieset biens immeubles quy appartenoient audict duc d’Allencon, le roy les laissa et voult qu'ils feussent et demourassent aulx enfants dudict d’Allencon, ainsy et par la manière que s’ensuit :
Primes : le comté de Perche, pour en jouir par Regner, seul fils dudict d'Alençon. et pour ses hoirs masles descendants de son corps en loyal marriage, sans toutesfois aulcune dignité ou prérogative de pairs. Et quant au surplus desaultresterres quy feurent dudict d’Allencon, le roy les laissa et volt qu’elles demourassent auxdictsenfantsd’icelluy d’Allencon, tant masles que femelles, pour en joyr et user par lesdicts enfants, par la main du roy, jusques qu’eulx et chascun d’eulx soient enage ; etaprès qu’ils seront en age, par leurs mains comme de leurs propres choses, et par leurs hoirs descendants de loyal marriage, et tout selon les coustumes des pays où lesdictes terres sont assises.
Et ceschosesfaictes. leroy envoya ledict d’Allençon en ung fort chastel nommé Aiguemortes, sur la fin du royaulme, vers Avignon, et illecq tint prison.
Ce temps pendant que le roy tenoit son lict de justice à Vendosme, feurent trouvés rolles de papiers en l’hostel du duc de Bourgoingne, où estoient escripts les vers quy s’ensuivent, touchant, comme il sembloit, les roys de France et d'Angleterre, et ledict duc de Bourgoingne f.
PHILIPPES, Voullant aimer, là où point ne m'asseure, N'ose esloigner ce qu'au cœur m'est contraire, Ainsy, sans tost vers nulluy merepaire, Froid entre deulx convient que je demeure.
