LIVRE III, CHAP. XXX VII
La tierce considération est: pour les bons services faicts à vous, syre, et à vos très nobles progéniteurs, par les devanciers de monseigneur d’Allencon et par luy-mesme, et par ceulx quy encoires sont et ses enfants. Son bisayeul mourut en la bataille de Cressy ; son ayeul ou grand père feut hostaige en Angleterre pour le roy prins en Poitiers; son père fina ses jours à la bataille d’Agincourt; luymesme feut trouvé à la bataille de Verneul entre les morts et de là mené prisonnier en Angleterre. Et est tout notoire, syre, et vous scavez assez que C’a esté par finance prins du prix de la vente de ce peu d'héritage demouré, qu’il a esté mis hors des mains de vos anciens ennemis. Syre,il aima mieux de ainsy partir que d’estre quicte et de avoir ses terres franches et deslivrées, et plusieurs aultres biens, qu'onluy promectoit, et faulser sa loyauté, ains volt acquitter sa loyauté. Au regard de ses enfants, syre, selon l'estat de leur innocence, ils offrent sang à espandre, en en suivant la très noble trace de leurs prédécesseurs. Plusieurs histoires se polroient ramentevoir pour monstrer les mérites et biens-faicts quy ont prouffité aux enfants et la pitié des enfants aux pères ; mais j'en pense prendre deux bien briefves récitées par Valère en son cinquiesme livre ou titre : Infames rei quibus ex causis condemnat: sunt..... feurent cause du crime, legis Julii repetendarum ; c’est de avoir induement exactionné le peuple.Jà-soit-ce qu’il n’est auleune deffenseau contraire, toutesfois graseeluÿ voult faire pour deulx causes, l’ane pour son ancienne noblesse, l’aultre pour eause dubien faiet par son père. Servius Galba feut pareillement aceuséde avoir faict mourir sans cause plusieurs des sub. jects en Espagne, et pour toutesses excusations ne dictaultre chose, sinon qu'il recommandoit son fils, quy estoit parent du très noble roy Gallus ; à laquelle voix feut faict grasce, non pas à son fils, mais à luy mesme. Syre, monseigneur d’Allencon n'est-il d’aulcune noblesse? ne sont ses bienfaicts et ses services non pas de son père, mais de trois parents récents et nouveaux ? ne sont ses enfants parents au très noble roy Gallus ? c’est de vous, syre, quy estes la lumière des roys et la fleur de toute noblesse, au désir de touts ceulx quy vivené.
La quatriesme considération est pour la personne de monseigneur d’Allençon.Syre,ceuls quy
ontconverséethantésouventavecq monseigneur d’Allencon peuvent avoir assez cognoissance, tant par sa conduicte et langaige, queil y a toujours eu plus de négligence et simplicité que de enemitié et maulvaise mallice. A gents de telle condition, syre, la loy est plusdouceet miséricordieuse et moins rigoureuse que aulx aultres, lege senat. de testamentis. Et d’aultre part, syre, sy par quelque soudaine mélancolie monseigneur d’Allençon avoit présumé et voulu faire chose à vous préjudiciable, toutesfois l’effect, Dieu mercy,n’est pas ensuivy. N’entendezpas, syre, que monseigneur de Bourgoingne veuille dire: qu’en touts délicts l’œuvre doibt estre consommé avant que le délict soit formé, car il scait et cognoist que en plusieurs crimes, et singulièrement encestuy dont par renommée on charge monseigneur d’Allencon, il estaultrement et que la vollonté faict à pugnir comme l’effect, sinon qu’il est notoire en la loy : St quis, non dicam rapere.. de episcopis et clericis; mais entend monseigneur de Bourgoingne seulement par ce, monstrer que la grasce se peult mieulx asseoir que sy la chose feust consommée et accomplie, et que dangier s’en feust ensuivy ; mesmement et que par avant la consommation de la chose, monseigneur d’Allençon se euist peu de soymesme retraire et repentir, Ce quy est vraisemblable qu’il eust faict.
Pour ces considérations, syre, entretenant ce que autresfois vous a esté requis et supplié au nom de monseigneur de Bourgoingne, derechief, syre, il vous supplie en telle humillité et de cœur que plus peult, que vostre très noble plaisir soit estendre les yeulx de vostre très ample et piteuse miséricorde sur monseigneur d’Allençon et sa maison, et pardonner, remectre et abollir tout ce qu’il peut avoir mespris, mesfaict ou offensé allencontre de vous, et luy garder son honneur, sans lequel cœur de noble homme ne peut vivre. Syre, princes, estrangiers, voisins, amis et ennemis cognoissent par expérience vostre charité et humanité, vostre miséricorde et puissante bonté. Pour Dieu, syre, ne veuillez seclurre ne desboutter vostre humble parent, mais faites que avecq les aultres il puisse dire ce quy est escript PSALMO NONAGESIMO QUARTO : Misericordiam Domini in æternum cantabo;« toujours et à ja- « mais je loueray la miséricorde de mon roy, «mon prince et mon seigneur.»
Copie de la response faicte du roy par la bouche de monseigneur de Coutances aux ambassadeurs du duc de Buurgoingne.
Le roy a bien ouy et entendu ce que luy avez remonstré de par le ducde Bourgoingne ; et en substance tendez et enhortez le roy à ce qu’il soit piteux à monseigneur d’Allencon et pour monseigneur d’Allencon, pour quatre considérations : la première, pour l’auctorité de sa majesté royale; la seconde, pour ce qu’il est son parent; la tierce, pour les services faicts au roy par ses devanciers; Ja quatriesme, pour la simplesse de sa personne ; aussy, que le cas n'est advenu. Le roy vousfaict dire que: au regard du premier poinct, à cause de sa majesté royale, il est tenu de faire justice ; car par justice règnent les roys, per me reges regnant.
S'il n’estoit la bonne justice des rois et des princes, les royaulmes et seigneureries ne seroient que larronnerie; si non esset juslilia.
. Quant au second, de monseigneur d’Allencon quy est parent du roy ; de tant est-il plus tenu au bien de luy et de son royaulme, et plus a offensé de faire ce qu’il a faict ; et comme les enfants sont tenus au bien et à la conservation de leur père et desa maison, aussy sont tenus les parents du roy, lesquels ont rendition à luy, comme les enfants au père, au bien de luy et de sa maison. En tant que touche les services faicts par les devanciers de monseigneur d’Allençon, il ne les a point ensuivis et faict comme ils ont ; et comme les enfants ne doivent porter le forfait du père, ne filius pro patre, aussy ne doivent-ils prouffiter de son loier et bienfaict. Au regard du dernier, touchant la personne de monseigneur d’Allencon, qu’il a bien monstré qu'il n’est pas saige, mais qu’ilestsimple, ainsy que dict : il est bien apparu du contraire, et que par grande mallice et sa trop grande subtilité il a voullu procéder en ceste matiere ; et ce voiton clairement par son procès ; «\ a esté le délict parfait, accomply et consomme, en tant que la chose le regardoit, pour ce qu'il n’est pas
*demouré en simple pensée, aincois a procédé à accomplir la chose en tant qu’il l’a peu mener ; et n’a pastenu à luy qu’elle n’ait sorty son effect : c’est ce quy est escript. Pourquoy, il est digne de punition comme de cas advenu, lege, cogilatus si quis nostrum. Ce que je vous dis, non pas du cas particulier, duquel je ne voldrois pas parler, mais seullement pour mons-
trer que la loy veut et ordonne ainsy. Et pour conclusion et response, le roy vous faict dire qu'il fera en ceste matière par l'advis des princes et seigneurs de son sang et aultres. et ceulx de son conseilquy sont près de luy ; et eust bien voullu quemonseigneur de Bourgoingne y euist esté pour avoir son bon conseil; et tant en fera que mondict seigneur de Bourgoingune et tout le monde en seront contents.
. Cy-après s'ensuit la copie du dictm de l'arrest proféré à Vendoswe, le dixiesme d'octobre l'an mille quatre cents cinquante-huict, par le chancellier de France, le roy séant en son siége el accompagnié comme dessus est dict, après ce qu'il olt par plusieurs jours tenu son lict de justice.
Charles, par la grasce de Dieuroy deFrance, comme nous sommes deuement informés que Jehan, duc d’Allencon, pair de France, avoit conduict et mené et faict conduire plusieurs traictiés et appoinctements avecq nos anciens ennemis et adversaires les Anglois : scavoir faisons que, veues et visitées par nous et par nostre cour garnie de pairs et d’aultres à ce appellés, les charges et informations des tesmoings,faictes allencontre dudict Jehand’Allençon, ensemble ses confessions et aultres contenues au procès bien au long, et à très grande et mure delibération; et considéré ce qu’il faisoit à considérer en ceste partie : Nous, par l’advis et delibération de nostre dicte cour, garnie comme dessus, avons dict et declaré, disons et declarons par arrest, ledict d’Allencon estre crimineulx de crime de lèze-majesté, et comme tel le avons condempné et condempnons à recepvoir mort et estre exécuté par justice ; et avecq ce avons declaré et declarons touts et chascun des biens dudict d’Allencon estre confisqués, et nous competer et appartenir, saulftoutesfois et réservé à nous de faire et ordonner sur tout ainsy que bon nous semblera.
Cy-aprèss'ensuit la réservation que le ray feit dudict duc d'AIlençon et de ses biens.
La sentence et arrest rendus, comme dessus est dict, le roy Charles declare son plaisir estre tel, c’est àscavoir : Queauregardde la personne dudict d’Allencon, il voulloit que l'exécution d’icelle feust différée jusques à son bon plaisir, et quant aulx biens quy appartenoient audict d’Al-
