CHAPITRE XL

D'une ambassade d'Angleterre quy vint devers Philippes, duc de Bouryoingne ; et comment les Anglois prindrent aulcuns vaisscaulx que les Bretons avoient amenés, et allèrent à Estaples ; et aultres choses.

Audictan cinquante-huict, en la villede Mons en Haynault, environ le Sainct-Martin d’hyver, arriva ambassade d'Angleterre, et environ vingt chevaulx. Pourquoy ne pour quelle cause ils venoient je n’en peus riens scavoir, fors que on disoit qu’ils estoient venus pour avoir alliance de marriage au pays du duc. Auxquels le duc dit que, au regard d'alliance de marriage ils n’auroient pas à luy ; caraussy ne le pooit faire sans rompre la paix quy feut faicte a Arras, entre le roy de France Charles et luy ; et pareillement ne debvoient avoir au roy Charles, sans l'accord d’eulx deulx ensemble. Ceste response baillée par le duc, lesdicts Anglois, par saulfconduict, s’en allèrent devers le roy de France, et passèrent par Arras, environ la Sainct-Andrieu.

Environ ce temps, bien huict cents Anglois, combattants , se partirent de Calais et allèrent à Estaples, où illec trouvèrent plusieurs vaisseaulx chargés de vins de Poitou, que les Bretons avoient amenés, lesquels ils ranconnérent, etprindrent plusieurs mulets quy estoient venus de Languedoc pour remporter du soret, lesquels ils ranconnèrent aussy, et emmenèrent plusieurs prisonniers.

En ce temps, en la ville de Vallenciennes, le quatorziesme décembre, en la présence du duc,

se feit ung faict d'armes de deulx ehevalliers,