LIVRE III, CHAP. XLL

l'ung nommé Henry, et estoit Allemand de l’hostel de Adolf de Clefves; l’aultre, nommé Jehan de Rebremeites, seigneur de Thibauville, lequel estoit Picard, de l’hostel de messire Anthoine, bastard de Bourgoingne. Lequel faict d'armes debvoit estre tel : que l’un d’eulx feust abbattu tout plat du coup, et sy debvoit chascun darder ung coup de dard. Lesquelles armes se feirent ; mais ains que nul d’eulx feust abbattu, le duc jetta son baston; lAllemand se combattit la visière ouverte, et le Picard la visière abbattue ; et feut ledict Allemand ung peu blescié d’une esclissure au visage , et feit le Picard reculer sept ou huict pas; brief, ce feut peu de chose, et le tout se faisoit par plaisance ou sotief.