CHAPITRE X

Comment la cité de Liseulx, Nocufchastel et ceulx de la ville de Mante, se rendireut au roy; et de l'entréc fdu roy à Vernoeul ; et comment le chastel de Vogny feut remis en l'obéissance du roy.

Le comte de Dunois, lieutenant général du roy de France, le comte de Sainct-Pol et les aultres quy avoient esté à Pont-Eau-de-Mer, se partirent et chevaulchèrent ensemble devant la cité de Liseulx pour y mectre le siége. Mais quand ceulx de la ville apperceurent sy grande multitude de gents, ils considérérent que la ville ne pouvoit longuement durer ne résister à sy grande puissance ; et doubtèrentaussy qu’elle ne feust prinse d’assault , et qu’elle ne feust pillée, périe et destruicte; parquoy ils meirent la cité en l’obéissance du roy de France, par le conseil de leur évesque, quy s’y gouverna pour le roy très grandement ; puis se rendirent au roy plusieurs menues places allencontre dudict Liseulx.

Après ces choses se partit le roy de France de Chartres, le jour de Sainct-Loys, à belle et grande compagnie , et alla au giste à Chasteau- Noeuf, quy,ce jour, se rendit aulx comtes de Dunois, d’Eu etde Sainct-Pol et ceulx de leur compagnie, quy estoient de cinq à six mille combattants. Et parcillement se rendit la ville de Mante sur Saine ; et estoient dedans icelle ville de sept à huict vingts combattants, dont estoit chief et capitaine ung nommé Sainte-Barbe ; lesquels s’en allèrent à Rouan, leurs corps et Jeursbiens saulfs. Et le lendemain entra Charles roy de France à Vernoeul, à grand estat et noble compagnie; lequel y feut moult honorablement receu, et à grande joyé de ceulx de la ville, lesquels allèrent aux champs au-devant de lui, atout les processions, faisants fusées, et criants Noel! parmy la ville. Le roy estant à Vernoeul, se rendit à luy le chasteau de Vogny, par ung escuyer du pays de Normandie, nommé lesiredeSaincte-Marie, capitaine dudict chastel, pour messire François de Surienne, dit l’Arragonois, seigneur de ladicte place, quy avoit marié sa fille audict escuyer. Lequel escuyer meit les François par le donjon, sans le sceu

(1) Précigoy.