CHAPITRE IX

Comment le roy de France arriva à Vendosine et à Chartres; et comment Sainct-James de Buveron feut assailly ct puis prins ; et de ceulx de la tour de Vernoeul quy se rendirent au roy.

Le douziesme jour d’aoust arriva Charles, roy de France, en la ville de Vendosme, grandement accompagnié ; et là feut jusques au dixhuiticsme jour du mois dessusdict. Cependant le seigneur de Loheac, le maréchal de Bretaigne , messire Geoffroy de Couvren et Joachim Rohault assaillirent Sainct-James de Buveron sy durement que l’assault dura despuis neuf heures au matin jusques à la nuict. Et le lendemain s’en allèrent les Anglois quy dedans estoient, leurs corps et leurs vies sauves, et rendirent la place ; et le douziesme jour d’aoust, le roy Charles entra en sa cité de Chartres; et le lendemain de sa venue se rendirent ses prisonniers ceulx de la tour de Vernoeul, quy n’estoient que trente; car ung peu paravant estoient eschappés plusieurs de dedans, atout l'avoir, par la faulte da capitaine et de ceulx quy faisoient le guet, et dont ils fuirent ; et feirent le traictié de la red

dition de ladicte place le sieur de Persigny #, et le seigneur de Baugy.