CHAPITRE XLII
De la mort du dac de Bretaigne, ot d'une grosse ambassade des Grecqs quy vindrent devers le duc ; et comment la paix feut faicte du comte de Saincl-Pol et du duc de Bourgolngne; etaultres choses.
Audictan cinquante-hufct, environ le jour de
Noël, mourat et cloïst son dernier jour Artus, (1) Prisonniers. !
duc de Bretaigne, comte de Richemont et connestable de France; et mourut sans avoir hoirs de sa chair. En laquelle duchie de Bretaigne succéda Jehan de Bretaigue, comte d'Estampes. Et pour tant que Jehan de Bretaigne se disoit aussy comte d’Estampes, le roy de France tenoit ladicte comté en sa main, et comme on disoit en bailloit les prouflits audict Jehan de Bretaigne ; lequel Jehan estoit fils du frère du vieil duc de Bretaigne et duc Artus, et de par sa mère estoit fils de la sœur du duc d'Orléans.
Environ cetempsaussy, feut l'accord faict d’entre Philippes, duc de Bourgoingne, et le comte de Sainct-Pol; et vint le comte devers le duc à Mons en Haynault, la où ledict due le receut très bénignement. Et parlèrent par plusieurs fois le duc et le comte moult privement ensemble, seul à seul. Duquel accord chascun feut moult joyeulx, et mesme le comte de Charrollois, fils dudict duc, lequel festoya le comte moult haultement en mangiers et aulirement; sy firent les seigneurs et princes.
Environ ce tempsaussy, vint une ambassade de Grèce devers Philippes, ducde Bourgoingne; etestoient environ cinquante chevaulx; lesquels ambassadeurs feirent requeste et prière au duc qu’il volsist estre ou envoyer à certaine journée assignée de par nostre Sainct-Père le pape Pius, où le pape et touts les princes chrestiens debvoient estre etenvover pour aulcunes causes touchant la chrestienneté; lesquels ambassadeurs le duc honnora, bienveigna et festoya moult noblement et haultement, et leur donna des beaulx dons, et leur promit de y envoyer. Après ce se partirent les ambassadeurs.
Environ ce temps, ledict due de Bourgoingne envoya le bastard de Sainct-Pol, chevallier, seigneur de Hautbourdin, et aultres de ses conseilliers, en ambassade en Angleterre.
Audiet an aussy cinquante-huict, environ la chandeleur, revinrent les ambassadeurs d’Angleterre, quy estoient allés devers le roy de France, pour cuider trouver alliance à luy par marriage ou trefves; et avoient mené plusieurs hacquenées en espérance de les donner; mais la royne ne voullut parler à eulx; ne homme de son royaulme ny de sa cour prendre pulle de leurs hacquenées; ains s'en retournèrent sans riens faire, et ne passèrent point la ville de Rouen.
