CHAPITRE XLIV

D'ung carmois quy feut prins en son église des Carmes-lez- Arras, et comment il rappela les erreurs qu'il avoit preschiées.

Audict an, le vingt-troisiesme de may, après disner, Jehan Piccavé, huissier d’armes de Philippes, duc de Bourgoingne,accompagniéde plusieurs gents, entra en l’église Nostre-Dame des

Carmes-lez-Arras; et illecq, en rompant et faisant rompre les huys que on avoit clos contre luy, feit desmollir et despecier une brasserie que lesdicts Carmes avoient faict faire, par mandement du duc, impétré à la requeste de ceulx de la ville d'Arras; et n’avoient lesdicts Carmes vollu desmolir ladicte brasserie, jà-soit-ce que le duc leur en euist rescript par deulx fois ou plus.

Audict an, le troisiesme de juing, Willemet Were, fils de Jehan, de l'age de dix-huict à vingt ans, en la cité d'Arras, férit d'ung coustelscigneur Pierre Were, sonfrère, prestre, enla poictrine haulte ; et se le coustel n’euist rompu contre l'osdelapoictrine, il l’euist tué. Et feut la cause pour ce que lediet messire Pierre voulloit faire aller coucher ledict Willemet hors de la maison de sa mère, par tant que lediet Willemet disoit qu'il ne iroit point à certain jour devant l'official d'Arras, auquel jour ledict seigneur Picrre avoit promis de le ramener, sur dix livres d'amende f.