CHAPITRE XLV

De l'ambassade que Philippes, duc de Bourgoingne, envoya à Mantua, où le pape avoit assemblé plusieurs prélats et princes chrestiens, pour conclure sur plusieurs choses touchantes les Turcqs et la foy; et aultres incidents.

Au moisde juing, audict an cin'juante-neuf, Philippes, duc de Bourgoingne, pourestreà certaines journées et jours de conseil prefixés que le pape debvoit tenir à Mantua, auquel lieu le pape Pius avoit semons de venir touts les princes chrestiens, pour délibérer de certaines choses touchantes les griefs que les Turcqs faisoient touts les jours, et les conquestes sur:les chrestiens, et aultres choses touchantes la foy, envoyaune grosse ambassade devers ledict pape, de laquelle ambassade estoit chief Jehan, duc de Clefves, nepveu dudict duc de Bourgoingne. Avecq luy estoient les seigneursde Loëgues en Hollande, messire Jehan de Croy, seigneur de Chymay, leseigneur de Gouly,messire Anthoine Haveron, et plusieurs aultres grands seigneurs; etestoient en tout bien trois cents chevaulx ; et avoit ledict duc six chars chargiés de ses bagues, et six joueurs de clairons et de trompet-

(1) Ce chapitre ne correspond point à son titre. Le copiste a vraisemblablement omis l'histoire du carre mentionnée dinstetitre,

tes, desquels clairons ils jouoient à l'entrée des bonnes villes. Et passa par Paris le duc en moult grand estat, où il feut receu honnorablement. Brief, c’estoit noble chose à veoir ladicte ambassade, tant estoient touts bien en poinct et bien montés et habillés.

Audict an cinquante-neuf, le vingt et uniesme de juing, en la ville de Dourlens, Jennet de Grouches, frère du seigneur de Griboval, chevallier, meit à mort d’ung coup de dague ung nommé Bonnelet ; et se print le desbat à cause de ce que ledict Bonnelet cuidoit mectre accord entre ledict Jennet et ung nommé Robinet Casaques,quy avoient prins parolles ensemble pour le jeu de palmes; icelluy Bonnelet estoit josne et rude, et homicide de plusieurs hommes.

Environ ce temps, par ung mardy,douziesmg de juing, audict an cinquante-neuf, mourut et fina ses jours Bauduin d’Oignies, seigneur d’Estrée, chevallier et gentilhomme, gouverneur de la chastellenie de Lille, Douay et d’Orchies, maistre d'hostel, chambellan, et ung des gouverneurs des finances du duc de Bourgoingne.

Lequel Bauduin feut et avoit esté ung très sage homme, bon justicier et de tres honneste vie, sobre et diligent, sans estre luxurieux ne oultrageulx ne en boire ne en mangier ; et avoit plusieurs vertus, et n’estoit taschié de nuls vices que de convoitise, mais il estoit assez convoiteulx. Il feut moultplainct en la chastelleni de Lille, et par especial de ceulx de la ville ; et feirent faire et célébrer ceulx de la ville de Lille, par toutes les paroisses et églises, ung service solempel, en priant Dieu pour l'ame de luy. Il avoit esté marié deulx fois : la première fois à la fille de Guy Guillebault, quy plus n’ayoit d'enfants légitimes que ladicte fille ; lequel Guy, ja-soit que en sa jeunesse il euist esté maçon, par la subtilité deluy, il feit tellement qu'il feut recepveur général du duc de Bourgoingne ; et le loua moultleduc, en son vivantetaprèssa mort. Icelluy Guy estoit de Hesdin, et feit touts ceulx de son lignaige riches, tant par les offices et bénéfices qu'il leur faisoit avoir du duc, comme des biens qu’il leur faisoit ; et achepta de grosses terres, et feit faire le chastel de Brouay. Et par lemoyen de la fille dudict Guy,que ledict Bauduin prit en mariage, de laquelle il eut plusieurs enfants, ledict Bauduin, quy estoit povre gentilhomme, feut esleu et advancié, conunce dessus est dict. Et après la mort de sa

première femme se remaria à la fille d’ung seigneur deHallewin,en Flandres, de laquelle il laissa aussy plusieursenfants, auxquels il laissa à touts des biens largement, car il estoit moult riche; et avoit environ de cinquante à soixante ans quand il mourut.

Audict an aussy cinquante-neuf, le premier jour de juing, Michel Lallier, ung très riche marchand et bourgeois de Paris, assez près du pont Sainct-Maxence, vers Creil, feut prins par trois compagnons anglois et mené à Calais.

Environ ce temps, ung Cabaretier d’Arras, nommé Quentinet, lequel estoit joueur de dés, resnieur et blasphesmeur de Dieu oultrageusement, en l’Hostel-Dieu de Sainct-Jehan en l'Estrée, mourut de maladie de derveriet et comme dervé.

En ce temps aussy, le neuviesme de juillet, feirent grandes oraiges environ Arras; et tuist le tonnoire une femme à Moncy-au-Bois, laquelle fenoit foing, et disoit-on qu’elle estoit ençainte d'enfant.

Audict an encoires, environ le douziesme de juillet, en la ville de Lille, feurent ards deulx sodomites, l’ung de l’age de cinquante à soixante ans, et l'aultre josne compagnon, quy scavoit jouer du tambourin, et se disoit estre serviteur au seigneur de Fretin. Après lesquels ards, ung sergeant du prévost de Lille, nommé Francois, pour tant qu’il les avoit trouvés au peschié et ne les avoit point raccusés, ains les avoit composés à grands deniers, tant pour ce que pour aultres cas, feut ledict Francois condampné à mort; et euit ledict François le hatreauf tranchié. |

Environ ce temps, entour de la ville d'Arras et ailleurs, en la comté d'Artois et en Picardie, feurent faicts plusieurs homicides, dont ne scais les causes pourquoy ny les noms des aucteurs.

Audict an cinquante-neuviesme, apvril et may feurentsy froidset sy secqs qu'il feut bien peu d’avoine, et valloit le mencaud d'Arras seizeoudix-sept sous ; c’estoit la chiergeS d’ung cheval trente-trois sous. Et renchérirent les bleds, car il en estoit peu, et vaillut, après aoust, la chierge d’ang cheval de bled vingthuict sous; et feut l’année trèstardive, pourquoy les vins feurent très verds et ne vailloient guières; mesme ceulx du pays de Beaune ne vaillèrent comme riens et feurent très verds.

(3) Folie. {2} Cou. (9) Charge,