LIVRE 111, CHAP. XLVII
quy estoient mal renommés et faisoient maulx innumérables, ils les laissoient paisibles ct nu leur osoient riens demander ; mais ceulx quy avoient peu ou néant mesfaict, ceux-cy payoient les amendes et estoient durement et rigoureusement traictiés.
Environ en ce temps, en ung villaige en la chastellenie de Lille, nommé Lannoy, le seigneur dudict lieu, lequel estoit capitaine d’Hollande et gouverneur de Lille, le feit clorre de murs etenfeit une ville fermée ; et feit ledict seigneur de Lannoy crier francque feste en ladicte villede Lannoy, le joursainct Denis et sainct Guillin, en octobre; et donna à chascun marchand, quy plus apporteroit de deniers de chascun mestier, à chascun certaine somme d’or et d'argent ; mesmement au plus grand buveur quatre lots de vin ; lesquelles sommes montèrent, comme on disoit, à sept cents livres, monnoye d'Artois, ou plus.
Environ ce temps aussy, Pierre l'Estemacq, natif de Bruges en Flandres, ou environ, lequel estoit ung des généraulx des finances du duc de Bourgoingne, ung villaige nommé Médelbourg en Flandres, feit clore de murs, et en feit une ville fermée, quy paravant ne avoit esté que ung villaige.
Audict an aussy, le onziesme jour de septembre, environ cinq heures du vespres, en cité lez Arras, Collard-le-Brun, cuvellier, en levant ung engien à estamper vergus, entre luy, sa femme et ung fils qu’il avoit, de treize ans ou environ, par malle adventure laissèrent quéiri ledit engien, lequel quéit sur leur fils et le taa teut-roide, sans mot dire ne faire signe de vie.
Audict an aussy, enviren le mois d’aoust, au pays de Brye et ailleurs, en France, en aulcunes places, comme on disoit, mouches estoient de la grandeur d’une chauve-souris, et avoient deuix esles comme les mouches qu’on appelle Prestres ; et estoient de celle façon : avoient deulx yeulx de la grandeur d’ung grain de vesce, et une queue de la longueur d’ung doigt, et au front une corne de quatre ou cinq pouces de long et aisguë qu’elles entortilloient autour de leur teste; et quand elles?volloient elles empoignoient moult uniement?. Desquelles mouches sitost que bestes, hommes ou femmes en estoient prins, ils en mouroient prestement ; et n’y sca-
(4) Tomber. (3) Ensemble.
voit-on remédier ; et en moururent, par espécial audict pays de Brye, plusieurs bestes sauvages ès prairies, et plusieurs bestes à cornes.
Environ ce temps, Jacques de Coymbres, fils de Pierre de Portugal, fils du roy de Portugal, lequel Jacques estoit nepveu à la duchesse de Bourgoingne, et parle moyendudict ducavoit esté évesque d'Arras. puis archevesque, et après feut cardinal, en l’age de vingt-huict à trente ans mourut.
