CHAPITRE XLVII
Comment la femme de monseigneur Loys, fils aisné du roy de Frauce, daulphin de Vienne, accoucha d'ung fils, au chasteau de Genappe, en'Brabant ; et aultres iucidents.
Par ung venderdy, dix-septiesme de juillet, la fille du duc de Savoye, et femme à Loys, aisné fils du roy de France, ens ou chasteau de Genappe, en Brabant, accoucha d’ung fils; lesquelles nouvelles on vint dire prestement au duc de Bourgoingne, quy lorsestoit à Bruxelles. Dont le duc feut moult joyeulx, et donna mille lyons d’or à celluy quyluy rapporta les nouvelles, puis feit prestement escrire lettres par toutes les bonnes villes de ses pays, que ils allumassent feus et feissent joye pour la noble venue dudict enfant ; ce qu’on feit partout moult honorablement. Et le cinquiesme jour d’aoust feut ledict enfant baptisé ès fonts de la paroisse dudict Genappe, èsquels, tout comme on disoit, avoit jadis esté baptisé Godefroy de Bouillon, quy jadis avoit conquesté Jhérusalem, etenavoit esté roy, et sy avoit esté né audict chasteau; et vollut ledict monseigneur le daulphin, quy estoit audict Genappe, que on appelast son fils Joachim. Et tindrent ledict enfant sur fonts, et feurent pareins et mareyne le duc de Bourgoingne, le seigneur de Croy, premier chambellan du
duc, et la dame de Ravestein, femme de Adolf de Clèves, nepveu du duc. De raconter les honneurs et richesses quy feurent faictes, ce seroit trop longue chose.
Le duc donna à l'enfant ung dressoir chargié de vaisselle d'or et d'argent, lequel il avoit envoyé en la chambre de la gisante, avec les draps de haulte lice et tapisserie, et aussy illes y avoit envoyé, Car ils n’avoient point apporté telles choses quand ils vindrent au refuge du duc; syen estoientassez mal pourveus ; et le seigneur de Croy donna une nef d’argent doré, à ung fond de cristal, pesant soixante marcs d'argent, huict onces au marc. Ledict seigneur de Croy porta ledict enfant aulx fonts, et le duc le rapporta sur les bras. Après ces choses faictes, le daulphin remercia le duc, et osta son chappel tout jus de la teste. Le duc ce voyant se meit à ung genoul et ne se vollut lever jusques à ce que le daulphin euist remis son chappeau sur la teste. Le daulphin, en remerciant le duc, dit telles paroles, ou en substance : « Mon très « chier oncle, je vous remercie du bien et de « l'honneur que vous me faites : je ne le polray « nesçauray desservir, car c’est chose impossi- « ble, synon que pour tout guerdon je vous « donne mon corps, le corps de ma femme et le « corps de monenfant. » A icelles parollesle plus de ceux qui estoient présents plourèrent tant de joye comme de pitié; il y olt plusieurs aultres parolles dictes tant par le daulphin comme par le duc; pour cause de briefveté je m'en tais.
En ce temps, le neuviesme jour d’aoust, entre Lille et Tournay, à lieue et demye près de Lille, à l’ung des trois arbres joignants ensemble sur ledict chemin, feut pendu le bastard Le Bouc, lequel estoit homicide de plusieurs hommes et banny du royaulme de France, et très mal renommé de plusieurs aultres crimes; et feut prins au Pont-à-Vendin par le lieutenant de Lille, en la maison de la Couronne, où ledict bastard estoit accompagniéde treize à quatorze compagnons. Avecq luy feurent prins trois de sa compagnie ; les aultres s’enffuirent ; et ne se meirent nuls desdicts compagnons à deffense, que le bastard, lequel se deffendit très fort. Et incontinent que ledict bastard feut prins, après qu’il feut confessé, on l’alla pendre, comme dict est.
Oudict an cinquante-neuf, le premierde septembre, par Druet le Vasseur, fils de Pierre, et
Martin de Warlus, feut battu ung prestre nommé messire Pierre Loire, vicaire de Nostre- Dame d'Arras; et feut battu en allant aulx vespres atout son habit, sans estre navré; et fallut qu’il s’enffuit dedans l’église à saulveté. Et comme ledict Druet ne tenist compte de justice, ains alloit avant la cité, environ une heure après feut prins avecq ung sien frère bastard, par Jehan Bracquet, lieutenant du prévost de la cité; mais prestement il feut laissé aller, jàsoit-ceque le seigneur de Miraulmont, quy pour lors d’adventure estoit en la cité, devant lequel ledict Druet feut mené, dist audict lieutenant et à maistre Pierre du Hamel, archidiacre d’Ostrevant et vicaire de l’évesque quyillecq estoit présent : que sy ils luy requéroient ayde de justice, il le livreroit en leurs prisons, où bon leur sembleroit; mais ils ne luy en osèrent oncques requérir; et sy estoit ledict seigneur de Miraulmont chambellan du comte d’'Estampes, lequel comte estoit capitaine d'Artois; ains le laissa aller, comme dictest. Quand ce veit l’archidiacre d’Avallon, quy estoit conseiller dudict comte, et estoit illecq avecqledict seigneur de Miraumont, sy dict audictarchidiaered’Ostrevant : que c’estoit dommaige que on ne l’avoit mesme battu et des plus grands de leur chapitre. Et comme ledict lieutenant avoit laissé aller ledict Druet,en la présence dudict Druet vint ung compagnon nommé Willemet Barelles, lequel estoit et se disoit aulx enfants de Habart, aulxquels ledict Druet aussy se disoit. Lequel Willemet prit parolles audict lieutenant et luy courut sus; et se le lieutenant nese feut deffendu., ileustesté vilené ou tué. Et mesmement courut sus, à l’hostel de la Couronne, en cité, ledict Willemet, ung nommé Loys, et luy donna deulx coups de dague, et le cuida avoir tué; mais il ne le blessa point, parceque ledict Loys quéit‘; et avoit une longue robe, pource que ledict Loys accompagnoit le lieutenant. Véant le peuple toutes ces choses, il y euist plus de cent personnes autour dudict Willemet. On le laissa aller tout paisiblement, pour la rumeur desdictsenfantsde Habart. Ainsy estoit pour ce temps, en cité et Arras, justice obéye, et tout par les gents d’église quy gouvernoient l’éveschié, et les chiefs de justice, aulxquels ne challoit que de emplir leurs bourses et avoir approuvéances. Ceulx
(1) Tomba.
