CHAPITRE PREMIER
Comment la royne d'Angleterre euist bataille contre le duc d'Yorc, et comme le duc de Sombreset cuida prendre Calais et faillit, puis se boutta dedans Guynes, oùil fut en grand daugier.
Environ ce témps y olt en Angleterre jour de bataille assigné entre les gents de la royne d'Angleterre , femme du roy Henry et fille du roy dé Sécile , duc d'Anjou, et le duc d’Yorc et $es gents; laquelleroyne gouvernoit Ie roÿätime d'Angleterre, pourtant que le roy $on mary festoit pas homme idoine,ny adonné aulx armes, duquel roy Henry elle avoit ung fils nommé Édouard. Et estoit avec la royne le duc de Sombreset, duquel le duc d’Yorc avoit tué le père de sa propre main, environ quatre ou cinq ans devant; pour laquelle mort ÿ avoit eu grande guerre entre les ducs d'Yorc et de Sombreset, et y avoit eu des grosses batailles. Et voulloit chascundesdictsducs avoir é gouvernement du royaulme, et par espécial le duc d’Yorc, lequel disoit que le royaulme d'Angleterre luy debvoit appartenir de droicte ligne. À laquelle journée assignée le duc d'Yorc avoit avecq luy le comte de Werwicq, Guynes et ceulx de la garnison. Quand les deulx parties feurent rangées en bataille, la royne
joua d’ung merveilleux tour, car elle envoya par saulf-conduict dire en l’ost du duc d’Yore, que le roy d'Angleterre n’estoit point malcontent d’eulx ; et sy, de touts ceulx quy illecq estoient assemblés, y avoit aulcuns quy euissent mesfaict versle roy d’Angleterre, le roy pardonnoit tout ce qu'ils avoient mesfaict, moiennant qu'ils laissassent le duc d’Yorc et se retirassent de son costé. Laquelle chose feut moult grevable au duc d'Yorc; car la pluspart de son ost le laissa et se retira avecq la royne, et mesmement Ceült de kr parnison nes. Quand la royne veit ce, sy feit tantost assaillir le due, lequel feut prestement desconfit ; et prit le duc là fuite, et se sauva tirant vers Irlande et vers Galles. Le comte de la Marche, aisné fils du duc d’Yorc, le comte de Werwicq et aultres seigneurs de leur compagnie se bouttèrent en mer à l’adventure en ung petit basteau ; et ainsy que fortune le voullut arrivèrent à Calais, mais ce feut grande adventure que touts ne pétirent en mer. Et en ceste bataille y olt grand nombre de morts du costé du duc d’Yorc. Après icelle bataille ainsÿ gaignée par la royne d’Angleterre, le duc de Sombreset entra en mer, avecq luy environ mille combattants ; et laissa ses chevaulx et fses habillements à Douvre en Angleterre, et s’en vint au port de Calais, cui-
dant que ceulx de Calais le duissent laisser entrer en ladicte ville au nom du roy d'Angleterre, non sÇçachant que les comtes de la Marche et de Werwicq y feussent arrivés; et le comte de Werwicq et ceulx de dedans ne les y laissèrent point entrer. Pourquoy ledict duc et ses gents descendirent à terre, et s’en allèrent touts de pied à Guynes assez près de Calais; et illecq entra sans contredict. Le lendemain, trois basteaux que le duc de Sombreset avoit laissés au havre à Douvre où estoient ses chevaulx avecq ses habillements de guerre et grande somme de deniers et vivres, se partirent dudict Douvre pour aller auprès du duc de Sombreset ; et, malgré la tempeste de mer, se férirent dedans le havre de Calais. Lesquels vaisseaulx , et touts ceulx quy estoient dedans, le comte de Werwicq feit prendre et mener en la ville de Calais, eten feit descappiter trois quy estoient èsdictes nefs, quy avoient esté de ceulx quy s’estoient tournés contre luy à la journée dessusdicte, l’ung desquels estoit nommé Relseatus Pourses ; des aultres deulx je n’ay sceu finer les nomsi.Avecq icellesnefs quy se férirent au havre de Calais, y avoit une des plus puissantes nefs d’Angleterre, nommée Catherine,quy estoit basteau deguerre, et plein de gents de guerre, et y avoit environ deulx cents hommes de guerre ; lesquels véants qu’ils estoient en péril d’estre touts perdus s'ils ne se bouttoient au havre de Calais, dirent au maistre marinier : qu’ils aimoient mieulx mourir qu’eulx boutter dedans ledict havre de Calais, pour le doubte du comte de Werwicq, lequel estoit dedans, et duquel estoient ennemis. Les mariniers, véants ladicte nef en péril d’estre perdue s’ils ne se bouttoient au havre de Calais, descendirent en petits basteaux, disants qu'ils alloient visiter leur nef tout autour. Lesquels mariniers, sitost qu'ils feurent ès dicts petits basteaux, coppèrent les cordes à quoy leurs petits basteaux estoient loyés2 au grand, et s’en allèrent boutter audicthavre de Calais, et laissèrent ladicte nef appelée Catherine à l’adventure sans mariniers ; laquelle nef, ne touts ceulx quy estoient dedans, on ne scait que tout devint; et disoient qu’elle feut périe en mer, et touts ceulx de dedans; etadvindrent'toutes ces choses en novembre audict an cinquante-neuf.
La nuict de monseigneur sainct Clément, en
hyver, en la ville de Pernes, ainsÿ qu'on faisoit le service sur le corps d’ung homme nouvel trespassé, à heure de grand’messe, il feit sy grand orage de tonnerre que par fouldre une partie du clocquier dudict Pernes, quy estoit tout neuf, feut abattu ; et dedans l’église y olt deulx ou trois personnes occises dudict fouldre.
