CHAPITRE II
De la;mort de Joachim, fils de monseigneur Loys de France, daulphin de Vienne; et comment Charles, roy de France, envoya en ambassade devers le duc de Bourgoingne le cardinal de Coutances et aultres gents de son conseil ; de la proposition queledict cardinal feit, et comment le duc luy respondict de luy-mesme.
Le jeudy pénultiesme jour de novembre mil quatre cents cinquante-neuf, cloist son dernier jour et mourut Joachim, aisné fils de monseigneur Loys de France, daulphin de Vienne, en l'age de quatre mois et deux jours; et feit faire moult honnorablement le duc de Bourgoingne le service dudict Joachim en la ville de Bruxelles en Brabant. | |
En ce temps, le vingtiesme jour de décembre, en ladicte ville de Bruxelles, arriva ung ambassadeur , envoyé de par Charles, roy de France, devers le duc de Bourgoingne, dont estoit chef de ladicte ambassade le cardinal de Coutances et aultres gents de la cour du roy; et le lendemain, vingt-uniesme jour dudict mois, olt ladicte ambassade audience devers ledict duc publiquement ; et illecq proposa ledictcardinal ce qu’il avoit de charge devant le duc ; et dura sa proposition bien deulx heures ou plus. En laquelle proposition entre aultres choses il dict au duc: qu’il y avoit deux choses pourquoy le roy de France n’estoit pas du duc bien content , et luy en desplaisoit.
La première choseestoit : que le duc avoit séduit son aisné fils, nommé Loys, daulphin de Vienne, de venir vers luy, lequel il soustenoit en ses pays contre le gré et la vollonté du roy, jà-soit-ce que le roy luy olt plusieurs fois requéru qu’il luy renvoyast, laquelle chose desplaisoit moult au roy.
La seconde chose estoit : que le duc avoit prions trefves aulx Anglois, ce que faire ne devoit, par l'accord et traictié qu’ils avoient enensemble, quy estoit au grand préjudice du royaulme de France; et avecq ce souffroit les Anglois de Calais passer par ses pays et aller
()Holinshed les nomme Jamin Fiahyll et John Felon. (2) Liés, | en France, robber et prendre prisonniers leg
gents de France et des pays du roy, et que sitost qu’ils estoient rentrés au pays du duc, ils estoient aussy assurés que s'ils feussent en Angleterre, dont aussy en desplaisoit moult au roy.
Et dict encoires ledict cardinal au duc : que le roy luy avoit commandé bailler les choses dessusdictes par escript et par articles, lesquelles il présenta et bailla au duc.
Lesquelles choses dictes et faictes par ledict cardinal et ambassadeurs, icelluy duc de Bourgoingne, de luy-mesme et sans prendre conseil, prestement respondict, et par espécial, sur les deulx choses dessusdictes.
Premier, touchant le faict de monseigneur Loys, aisné fils du roy, lequel s’estoit retiré devers/luy : que touchant ceil n’estoit pas ainsy que le roy luy mandoit, ne quele cardinal avoitdict, car il n’avoit point séduit ny enhorté ledictmonseigneur Loys de venir deversluy ,mais y estoit venu à garant et sauveté pour le doubte du roy son père ; lequel monseigneurLoysil avoit receu pour l’honneur du roy, et l’avoit soustenu et donné de ses biens au mieulx qu’il avoit peu, et non pas tantqu'il voudroit bienet appartiendroit audict monseigneur Loys; et voulloit bien que chascunsceust que,tant qu’il plairoitaudictmonseigneur Loys setenir en sespays, il ne luy fauldroit pas , ains, tant qu’il auroit ung denier, il en auroit la moitié ; aussy ne luy deffendoit pas de retourner devers son père le roy , ainçois estoit prest,toutesfois qu’il plairoitaudict monseigneur Loys, dele faire conduire jusquesau roy son père, par son fils, le comte de Charrollais,
ou luy-mesme, sy besoing estoit,iroitavecqluy, tellement aecompagnié qu'il iroit seurement jusques au roy son père ; et par ainsy apparroit clairement que cen’estoit point parluy queledict monseigneur Loysne retournoit versson père le roy; et ne l’empeschoit pas, comme aussy ne le contraindroit pas d’y aller s’il ne voulloit.
Après, dict encoires le duc, pour répondre au second poinct : que, au regard des Anglois qui couroient par ses pays et par les pays de France, ce n'estoit pas par luy,et n’en pooit mais, et que chaseun pooit scavoir comment il faisoit garder les frontières d’entour Calais ; et encoires de nouvel, puisung an, avoit bien renforcié les garnisons ; et que mesme lesdicts Anglois couroient ses pays et y faisoient beaucoup de maulx, et sy n’en pooit avoir aultre chose,
