CHAP. IV
herbes et aultres choses faisoient ledict onguent; et de cestonguent avoit faict ledict Abbé. Et sy dict encoires ledict inquisiteur : qu’en leur assemblée le diable les preschoit , et leur deffendoit d’aller à l’église, d’ouyr messe et prendre de l’eaue bénite; et que s'ils en prenoient pour monstrer qu'ils fuissent chrestiens, qu'ils dissent :« Ne desplaise à nostre maistre, * et qu’ils n’allassent point à la confesse. Et sy leur disoit qu’il n’estoit point d’aultre vie que celle où nous sommes, et qu'ils n’avoient point d’ame. Et quand aulcun quy avoit esté en ladicte vaulderie et assemblée se voulloit retraire et repentir, le diable les battoit d’ung v... de thor!, par telle facon qu’ils en estoient tout froissés ; et qu'ils avoient tenu leur dicte assemblée au bois de Mofflaines, assez près d'Arras, au bois de Maugart, à demy-lieue d'Arras, et à Haultes-Fontaines lez Arres ; et auxdictes Haultes-Fontaines avoient esté à pied et en plein jour après disner. Toutes ces choses dictes et remonstrées par ledict inquisiteur, il leur demanda s’il estoit ainsy, touts l’ung après l’autre. Et respondirent que ouy ; et mesmeledict Abbé et touts le confessèrent publiquement. Après laquelle confession feut leur sentence rendue en francois et en latin, c’est à asscavoir : feurent touts rendus à la justice laye, comme pourris et non dignes d’estre avec les membres de saincte Église, et touts leurs héritages confisqués au seigneur, et leurs biens meubles à l’évesque. Ladicte Deniselle feut rendue à la loy de la ville de Douay, quy pour la ravoir et pour ceste cause estoit la | : feut rendu aulx prévost et eschevins de cité, etles quatre femmes et ledict Jehan le Febvre à la loy d'Arras. Lesquelles femmes feurent prestement menées en la halle de la ville d'Arras ; lesquelles femmes et ledict Jehan le Febvre feurent illecq condampnés par lesdictseschevins à estre ards et leur corps ramenés en pouldre. Sitost que lesdictes femmes ouirent leur sentence, comme femmes désespérées, commencèrent à crier et dire à maistre Gilles Flameng, advocat, quy illecq estoit présent, et quy toujours avoit assisté à les interroguier, tant par torture comme aultrement, tels mots : « Ha! faulx, traistre, desloyal, tu « nous as deceutes; tu nous disois que nous « confessismes ce qu’on nous disoit et qu’on nous (1) Nerf de bœuf.
« lairoit aller, et que n’auriesmes aultre pé- « nitence que d’aller en pèlerinage six lieues « loing, ou dix ou douze. Tu scais, meschant, «“ que tu nous as trahis!»* Et là publicquement disoient : qu'oncques n’avoient esté en ladicte vaulderie, et que ce qu’elles en avoient confessé avoit esté par force de gchenne et de torture, et que par les blandises ! et promesses dudict maistreGilles etaultres quy les avoient interrogiées ; et moult d’aultres choses disoient. Mais ce ne leur valloit rien; car elles feurent baillées ès mains du bourreau et prestement menées à la justice de la ville d'Arras, et illecq leurs corps ards et ramenñés en pouldre. Et en les menant mourir, et jusques à ce qu’elles rendirent l’ame, sans en rappeller , disoient publicquement : qu'oncques n’avoient jamais esté en ladicte vaulderie, et que ce qu'elles en avoient confessé avoit esté par gehenne et torture, et parce qu’on leur faisoit entendre que sy elles ne le confessoient on les arderoit. Et despuis leur sentence rendue jusques à la mort, elles firent toutes les manières qu’ung bon chrestien doibt faire, en leur confessant, en recommandant leurs ames à Dieu, priants au peuple que on priast Dieu pour elles, et requérants à ceulx et celles quy les cognoissoient qu’on feist dire des messes pour elles. Et moururent en cest estat, disants : qu'oncques n'avoient esté enladicte vaulderie et qu'elles ne scavoient que c'estoit.
Lesquelles parolles et manières qu’elles tenoient meirent le peuple en grande pensée et murmure. Sy disoient les auleuns : que c’estoit à tort qu’on les faisoit mourir. Les aultres disoient : que le diable leur avoit commandé d’ainsy dire, et qu'ils se rappellassent affin qu'ils fuissent dampnés. Desquelles choses je m'en attends à Dieu quy tout scait.
Ladicte Deniselle feut menée à Douay,et de par les eschevins de la ville condampnée à estre ardse; et feut ardse. Laquelle aussy dict qu'on la feit mourir à tort ; et dict toutes les parolles et tint toutes les manières queles aultres avoient tenues jusques à la mort.
, Ledict Abbc-de-peu-de-sens feut aussy condampné par les eschevins de cité, le jour que la sentence feut rendue, à estre ards ; et feut le premier exécuté à la justice de lévesque.
Jcelluy Abbédict aussy toutesles pareilles parol-
(D) Caresses.
les, et tint toutes les manières que les aultres avoient faict, et encoires plus. Et disoit qu’on le faisoit mourir à tort. Et toutes les dernières parolles qu’il dict, estant loyé à l’estaque pour ardoir,feurenttelles enlatin : Jesus autemtranstens per medium tllorum 1bat. Icelluy Abbé estoit de l’age de soixante à soixante-dix ans' et estoit peinctre ; et estoit bien venu en plusieurs lieulx, pourtant qu’il estoit rethoricien ; et faisoit chants et ballades ,et lesdisoit debvant les gents ; et, par espécial, avoit faict plusieurs beaulx dictiers et ballades à l'honneur de la glorieuse Vierge Marie, et par ce plusieurs gents l'avoient bien chier ; mais à chascune fois qu’il disoit ou lisoit aulcun dictier ou ballade à l'honneur de Dieu et de Nostre-Dame, ou de quelques saincts ou sainctes, quand ilavoit tout dict,enla fin il ostoit son cappel ou capperon, et disoit: « Ne desplaise à mon maistre », comme aulcuns certifioient ; je ne scais qu’il en est.
Iceulx et icelles ainsy exécutés, comme dict est, à la requeste dudict inquisiteur de la foy, feurent par l’accusation d’eulx prins encoires comme vauldois : ung nommé Thomas, quy estoit fourreur de robes, ung nommé le petit Henriot (et estoit l’ung de ceulx quy tenoient le bresleng), Jehan du Bois, demourant à Wailly, ung nommé Jacques Mollinier, cuisinier, maistre Robert le Josne, chevallier, gouverneur d'Arras, Colin de Bullecourt, la femme d’un sellier, nommée la Franche-Comté, pour ce qu’elle avoit eu espousé ung hérault ainsy nommé, Colette l’Estrevée, femme commune, tem une josne fille nommée Printemps Gay, femme commune, item une josne fille nommée Catron, autre dicte la Gringaude, femme commune, une josne femme nommée la Parqueminière, femme commune, {em une autre josne femme nommée Jehanne le Lucque, femme aussy commune,
