CHAPITRE XI

Comment les villes de Vernon sur Saine, Gournay et le chastel d'Essay feurent mis eu l'obéissance du roy de France,

Le joeudy vingt-septiesme jour du mois d’aoust, feut mis le siége devant Vernon-sur-Saine, par les comtesde Dunois, d'Eu etdeSainct-Polet aultres de leur compagnie ; laquelle ville estoit moult bonne place, et y avoit ung fort chastel et ung aultre petit sur le pont, nommé Vernonnet, dont estoit capitaine le fils du comte d’Ormont d'Irlande, quy avoit pour la garde deulx cents et quarante combattants, vaillants gents, lesquels promirent rendre la place le samedy ensuivant, à heure de prime, en cas qu'ils ne feuissent secourus en dedans ce jour. Dedans lequel jour ne feurent secourus, pource que les aultres Angloisn’osoient desgarnir Rouan. Pour laquelle cause rendirent la ville aux François et s’en allérent, leurs corps et bien saulfs; et demourèrent ceulx de la ville paisiblement sans rien perdre. Aulcuns jours après, le capitaine de Gournay, nommé Guillaume Comen, Anglois, rendit la ville de Gournay aulx comtes d’Eu et de Sainct-Pol, parmy certain traictié et appoinctements faicts entre eulx. Puis se partit le roy de France de Vernoeul, et s’en vint à Évreulx, grandement accompagnié, où il feut honorablement receu des habitants de la ville, en criant Noël! et les rues tendues comme à Vernoeul; et là coucha une nuict; et le lendemain se partit pour aller à Louviers, où il feut semblablement receu à grande joie. En ce temps les Anglois des villes et chastel d’Essay allèrent pescher à ung estang assez près de ladicte ville, Sy vint à la cognoissance du duc d’Allençon, lequel y alla secrètement et les print; et puis

les mena devant la ville d’'Essay, laquelle ils luy feirent rendre.