CHAPITRE XII
Comment Fescamps, le chastel de Harecourt, le chastel de Chambrois et la Roche-Guyon feurent rendus au roy.
Durant les choses dessusdictes, ceulx de la garnison de Dieppe, pour le roy de France, sceurent qu'il y avoit peu d’Anglois pour la garde de l’abhaye de Fescamps, quy est port de mer; sy y allérent secrètement et la prindrent. Assez tost après y arriva une nef quy venoit d'Angleterre, en laquelle il y avoit quatre-vingts Anglois quy venoient pour estre en leur aide, lesquels les François laissèrent descendre pour les prendre tous prisonniers. En ceste saison le comte de Dunois et ceulx de sa compagnie meirent le siége devant le chasteau de Harecourt, quy est bel et fort ; et là feirent des belles approches, èsquelles feut tué d’ung canon ung vaillant homme françois de la garnison de Lou. viers; et pareillement feut tué ung Anglois d’une coullevrine sur le portal de la basse-court. Les Anglois estoient dedans de six à sept vingts, dont estoit capitaine le bailly dudiet Harecourt, nommé messire Richard Fregnal, lequel feut alors deshonnoré et pendu à la porte du boullovert.Les François quydevantestoient, s’efforcèrent de jetter canon, et du premier coup perchèrent tout oultreles murs de la basse-court. Alors les Anglois doubtèrent, et promirent rendre la place en cas qu'ils ne seroient à certain jour les plus forts aux champs, auxquels il ne se trouvèrent point; et par tant rendirent le chastel le cinquiesme jour de septembre, lequel ils avoient tenu par l'espace de quinze jours, ct s’en allèrent, leurs corps et vies saulfs. Et ledixhuictiesme jour de septembre ensuivant feut assiége le chastel de Chambrois par les comtes de Dunois, de Clermont ct de Nevers, leseigneur de Laval, le seigneur de Cullant, grand maistred’hostel du roy, le seigneur de Blanville, les seigneurs de Vernocul,de Gaucourt ct de Bresay;les baillys de Berry et d'Évreulx, et plusieursaultres chevalliers et escuyers, lesquels n’y fcirent guières; mais enfin le comte de Clermont feit composition avecques les Anglois quy dedans estoient, quy feurent trouves environ deux
saulfs. En ce mesme temps se rendit la ville de Noeufchastel de Lincourt aux comtes d'Eu et de
Sainet-Pol, quy avoient mis le siége des le huictiesme jour dudict mois; et, pendant qu'ils y feurent, prindrent la ville d'Essay. Assez tost ung Anglois de Galles, nommé Édouard, capitaine dela Roche-Guyon, parce que sa femme estoit de France, et parente à messire Denys de Chailly, laquelle avoit de belles terres au pays de France, par l’admonestement, prières et enhortement de sa femme, rendit aux gens du roy de France la Roche-Guyon, quy estoit une très forte place sur la rivière de Saine; et se feit François, moyennant qu’il deubt jouir des terres de sa femme estants en l’obéissance des François. |
