CHAPITRE VI

Comment, en la ville d'Amiens et de Tournay, On prit plusieurs gents comme vauldois, lesquels après, on laissa aller sans quoique sentence.

Environ ce temps, en la ville d'Amiens, par l'accusation de ceulx quy avoient esté prins et ards comme vauldois en la villed’Arras, feurent aulcunes personnes prinses, lesquelles l’évesque d'Amiens délivra prestement. Et dit ; qu’autant qu’on luy en améneroit, illes laisseroit aller et les délivreroit, et qu’ilne croyoit pas qu'ils feissent ne peussent faire ce qu'ils disoient. Icelluy évesque estoit frère du seigneur de Beauvois-le- Borgne ; et estoit clercq, et avoit demeuré longtemps en cour de Rome,et y estoit procureur du duc de Bourgoingne.

En la ville de Tournay, aussy pareillement, comme vauldois on prit ung sergeant du roy et deulx ou trois aultres personnes. En laquelle ville de Tournay demeuroit maistre Jehan Taincture, docteur en théologie et très notable clercq, et moult renommé en sens et en clergie, et plusieurs aultres très notables clercqgs, lesquels pour ceste cause convindrent ensemble ; et feit ledict maistre JehanTaincturesur ladicte vaulderie ung traictié très bel, lequel il publia et envoya en plusieurs lieulx. Ne sçay qu'il y avoit; mais après ce que ceulx qu'on avoit prins audict Tournay comme vauldois olrent esté prisonniers certaine espace de temps, on les laissa aller sans quelque punition.