CHAPITRE VII
Comment le scigneur de Beauffort, chevallier, et Jehan Tacquet, bourgeois d'Arras, et autres, feurent prins comme vauldois.
Le vingt-deuxiesme jour de juing mil quatre
cents soixante, sur le soir, en la ville d’Arras, feut prins comme vauldois, par Robert de Marquais, lieutenant d'Arras, Jehan Tacquet, bourgeois et eschevin de la ville d'Arras, riche de quatre ou cinq cents francs de rente; et feut amené en cité en la prison de l’évesque ; et le lendemain après disner, pour ledict cas, feut prins Pierre du Carieulx, très riche homme, agié de soixante ans ou environ; et s’estoit élevé en richesses par scavoir faire comptes et receptes ; et disoit-on que c'estoit le meilleur faiseur de comptes quy fust en France. Icelluy Pierre avoit aultrefois esté preschié pour hérésie contre la loy et estoit mal renommé en la foy ; et combien qu’il feust riche de quatre à cinq cents francs, sy tenoit-il son menage seul sans varlet ne mesquine, et sy n’avoit oncques esté et n’estoit marié; Pierre feut aussy mené en la prison de l’évesque en cité. ;
Le mardy en suivant, jour de Saint-Jehan- Baptiste, par ledict Robert de Marquais feut prins messire Payen de Beauffort, chevalier, noble homme , et une des anciennes bannières d'Artois, agié de soixante-douze ans ou environ, etriche de cinqà six cents francs de rente, comme accusé d’estre vauldois.Icelluy seigneur de Beauffort, ainçois® qu’il feust faict prisonnier, scavoit bien qu'il estoit accusé d’estre vauldois, et luy avoit-on dict qu'il se gardast; mais il respondit à ceulxquy luy dirent : que, s’il estoit mille lieues loing, et qu’il sceust qu'il en feust accusé, sy reviendroit-il pour s’en excuser ; et ne craignoit riens. Pour ce cas mesmes vint en la ville d'Arras pour se monstrer et excuser. Et encoires luy venu enladicte ville d’Arras.,en son hostel de Quievrette 5, quy estoit sien, son fils aisné et aultres sesamis luy prièrent et requirent très instamment que, s’il se sentoit coupable dudictcrime, ilse voulsist absenter. Lequel leur respondit de rechief : qu’il n’en feroit rien et qu'il ne craignoit homme. Et illecq leur feit lc plus solemnel serment qu’il poeult, en donnant son ame à tous les diables d’enfer, et en renonçant à la gloire du paradis, s’il scavoit que c’estoit la vaulderie et s’il en estoit coupable; et jura qu'il en estoit innocent. Toutesfois celuy propre jour, comme dict est, feut prins à l’après-disner par le lieutenant d’Arras, sans le tenir prisonnier ; lequelseigneur de Beauffort
(t) Servante. (2) Avant. (3) La Chevrelte.
pria audict lieutenant qu’il le menast devers le comte d’Estampes, lequel pour ceste heure estoit en la ville d'Arras, venu pour ceste cause: ce que feit le lieutenant. Et comme le seigneur de Beauffort feut venu devers le comte pour se cuider excuser, le comte ne voullut parler à luy ; ains commanda ledict comte à messire Hues de Mailly, chevalier, seigneur de Boullencourt, prochain parent dudict seigneur de Beauffort, que, accompagnié de Guillaume de Berry, lieutenant du baïlly d'Amiens et dulieutenant d’Arras, ille menast publicquement en la prisondel’évesque ; ceque feit ledict chevallier ; et print ledict seigneur de Beauffort par le bras et le mena publicquement entre quatre et cinq heures en ladicte cité en la prison de l’évesque. Et allèrent jusques en ladicte prison plusieurs de ses fils et ung nommé Jacques Guillemant, lequel avoit espousé sa sœur bastarde ; lequel Jacques estoit fils d’ung canoine d'Arras, et lequel Jacques feut aussy détenu prisonnier avec ledict seigneur de Beauffort, comme accusé d’estre vauldois. Icelluy Jacques usoit de guérir gents de fièvres par parolles ; et y avoient plusieurs gents fiance, mais c’estoit contre le commandement de Dieu et de l’Eglise.
Le lendemain feut aussy envoyé quérir, comme accusé d’estre vauldois, ung des sujets dudict seigneur de Beauffort, nommé Rogier.
