LIVRE IV, CHAP. XV
prins pour ladicte vaulderie et mis à torture, ny oncques ne confessa d’y avoir esté.
Item, environ ces jours feut mise hors de la prison, au commandement desdicts vicaires, une femme nommé Jennon d'Amiens par eslargissement ; laquelle Jennon avoit esté mise à torture par plusieurs fois , et aussy confessé plusieurs choses ; mais pour toute pénitence on luy enjoignit d'aller en pélerinage à Nostre-Dame d’Esquerchin, quy sont cinq lieues près d'Arras.
Item, le dixiesme jour de décembre, par purge de cinq tesmoings, quy jurèrent comme cy-dessus est dict, feut mis hors de prison et à pleine délivrance, le petit Henriot, lequel tenoit le barleng d'Arras, lequel avoit esté prisonnier plus de sept mois pour ledict cas de vaulderie; et avoit esté mis à torture plus de quinze fois merveilleusement, et tellement qu’on luy avoit bruslé les plantes des pieds , et en estoit comme affolé! ; mais oncques pour ce ne confessa avoir esté en ladicte vaulderie, ains ne sçavoit que c'estoit. Toutesfois, combien qu’on les délivrast quittes et délivrés touchant ladicte vaulderie, sy failloit-il qu’ils payassent tousles despends qu’ils avoient faicts en ladicte prison, et chascun sa part de linquisition, s’ils avoient de quoy, ou aultrement ne feuissent point issus.
Item, le seiziesme jour de décembre ensuivant, l'an dessusdict, par purge de tesmoings, comme cy-dessus est dict, feut mis hors de prison et délivré Jennin de Berry, lequel avoit esté prisonnier pour le cas de vaulderie plus de sept mois, Et avoit eu autant ou plus de tesmoings que nuls aultres réservé Huguet ; et sy avoit esté mis à la torture autant de fois ou plus, et sy horriblement ou plus que nuls des aultres ; mais oncques n’avoit confessé d’avoir esté en ladicte vaulderie, ains disoit qu’il ne scavoit que c’estoit. Ledict Jenain estoit marchand de bois et renommé d'estre ung mangeur depauvres gents, et n'avoit pas renommé d’estre loyal; etsy n’avoit oncques esté marié, et avoit bien quarante ans.
Item, ce jour mesme feut délivré par purge de tesmoings comme les aultres, ung nommé Rogier, lequel estoit des gents du seigneur de Beauffort.
Tiem, le dix-neuviesme jour ensuite dudict
. mois de décembre, feut aussy délivré ung nommé Thomas Foure, lequel avoit esté faict Febvre, coultier de chevaulx, lequel avoit esté
(4) Eslropié,
prisonnier pour ledict cas de vaulderie de sept à huict mois; et feut mis à la torture aussy forte que auls des aultres; et sy avoit plusieurs tesmoings contre luy; mais oncques pour ce ne confessa d’avoir esté en ladicte vaulderie, ains disoit qu’il ne scavoit que c’estoit.
À toutes ces délivrances faictesne feurent oncquesappellés l’évesque de Barut, ledoyende Nostre-Dame d’Arras, maistre Jehan Boullengier ny aultres clereqs, ny le seigneur de Saveuses, ny nulsde ceulx quy avoient esté commis à interroguier lesdicts prisonniers pour ladicte vaulderie avecq les vicaires, et n’en n’y olt oncques évocqués ou appellés à ce faire, jà-soit-ce qu’ils feuissent en la ville ; et ne se mesloient nuls de leur délivrance que ledict maistre Pierre le Brousart, inquisiteur de la foy, les vicaires de l'évesque d'Arras, et le secrétaire d’icelluy évesque cydessus nommé.
Audict an mil quatre cents soixante, par ung samedy vingt-septiesme du mois de décembre, feut éclipse de lune à my-nuit, entre le samedy et dimanche; et dura ladicte éclipse l’espace de deulx ou trois heures.
Item, audict an, la nuict de Noël, jà-soit-ce qu’il euist très fort gelé et feist moult froid au pays d'Artois, à Hesdin, Sainct-Pol, Arras et ailleurs, iltonna sy fortet éclistra, que plusieurs gents veirent une grosse fouldre de feu ardente au ciel, en ‘manière d’ung dragon ardent, commeaulcunsdisoient. Les aultres disoient que ce avoit esté comme une flambe courante.
CHAPITREXVI.
Comment fes vicaires d'Arras absouldrent Martin Cornille, lequel ils avoient excommuuié comme vauldois.
Audict an mil quatre cents soixante, les vicaires de l’évesque d'Arras, scachants Martin Cornille estre prisonnier pour le faict de vaulderie, en la prison de l’archevesque de Besançon en Bourgoingne, lequel Martin avoit envoyé signifier son emprisonnement, et que durant le temps qu’ils procédoient à son excommunication il estoit prisonnier, iceulx vicaires, nonobstant qu’à leur pourchas ledict Martin Cornille, Willaume le Febvre et Hotin Loys euissent esté excommuniéscommeatteintsetconvaincus dudict cas, et qu'ilsavoient attaqué! leurs excommunica-
(1) Attaché,
tions par les portaulx des églises et portes de ladicte ville d'Arras, déclarèrent ledict Martin estre absous dudict excommuniement.
Environ ce temps feurent en plusieurs lieulx de la ville d'Arras semés et jettés rolles de papier, èsquels estoit escript en vers rimés ce quy s'ensuit :
Les traitors remplis de grande envie,
De convoilise et de venin couvers,
Ont fait regner ne scay quelle vauldrie,
Pour cuider prendre à tortet à travers
Les biens d'aulcuns notables etiexpers
Avec leurs corps, leurs femmes et chevance, Et mectre à mort des gens d'estat divers.
Ah ! noble Arras, tu as bien eu l'advance.
Par toy, doyen, quy t’es en la clergie Moult abbusé, cuidant trouver les fons D'aulcuns secrets de la théologie,
Mais garde-toy avec les compagnons; Je te promets, nous d'Arras te ferons
Et à Barut danser sy belle danse!
Riens ne t'y vault, blandissure, ny dons, Ny ès vicaires adjouter ta fidance.
Quand tu estois en Arras, bonne ville, Chascun cuidoit que tu feusses prophète, Sage comme un Salomon ou Sibille ;
Mais sy du sens quy oncq feust en ta teste, Tu as voulu semer une tempeste,
Tu beuveras ton brassin et brouet;
Et <y seras des premiers à la feste.
Folie fait quy folie commet.
Et toy aussy, seigneur de Salubrie,
Quy t'égalois au feu de ta maison,
Tu avois beau faire chasteaulx en Brie, Quand on traitoit les aultres sans raison, On te cuidoit homme de discrétion; Pour rapporter au prince la trainée.
Tu t'es porté tout ainsy qu'un plicion, Quy, pour tremper, est mis en la buée.
L'inquisiteur à sa blanche barrette,
Son nez velu, et sa trongne maugrinne
Des principaulx a esté à la feste,
Pour pauvres gens tirer à la gehenne;
Mais il ne sçait qu'ung peu qu'on luy macha.
Tout son desir esloit, et son pourchas, D'avoir bien mceubles tenus en’sa saisine Paisiblement, mais il ne les à pas.
Et vous vicaires, avec vos avocats Paille, Fourme, Flameng et l'assemblée, Vous estes touts coupables dudict cas.
Et sy vous faut aller à la journée:
Mais je vous jure la Vierge honnorée, Que unc fois vous passerez le pas,
EUSY direz quy esmut la meslée
De imcCttre sus fes vauldois en Arras,
Et voirement, quand, bien à tort je pense, Vous volletiez dessus ung chevallier, Auquel, avez parfaite confidence
Qu'il poet vos faits tout et oultre porter, Certes, c'estoitle quien au grand collier.
Mais point n'estoit d'icelle confrairie
De sainct Hubert quy guérit d'euragier, Car il est cheu en moult grande redderie.
Vostre quien dort ; sy fait vostre pasteur ;
Et vous avez touts la puce eu l'oreille.
Seilse peut plaindre avecq son scigneur, Que maudict soit le cœur quy vous travaille ; Chascun de vous plusieurs fois se réveille, Mais vous serez touts pugnis en ung Las,
Et sçaurons Louts quy esmeut la merveille
De mectre sus les vauldois en Arras.
Seigneurs, pour Dieu ne vous déplaise mye S'on veut sçavoir la vérité du cas,
Car çà esté par trop grand’ villenie
De mectre sus les vauldois en Arras.
Sur le dos desdicts brefves et rolles de papier estoit en escript ce qui s’ensuit :
Quy ce briefvet recveullera,
Garde se bien qu'il ne le monstre, Ou de le dire tout et oultre,
Fors à touts ceulx qu'il trouvera ;
Et s’aiusy fait, il gagnera
Plain ung sacq de pardons à ploutre.
Sois seur qu'à ce point ne fauldra Feust chappelain, curé ou coustre.
