CHAPITRE XV
Comment les vicaires de l'évesque d'Arras délivrèrent maistre Anthoine Sacquespée, Henrict de Royville. Jehan Josset, ct: pfusieurs aultres prisonniers accusés pour ladicte vaulderie, ny oncques despuis ne prindreut personne pour ledict cas.
Le vingt-quatriesme jour d'octobre, l'an dessusdict, les vicaires de l’évesque d’Arras meirent hors de prison, et eslargirent à leur mandement Henriet de Royville, lequel avoit esté trois mois prisonnier, comme accusé d’avoir esté en ladicte vaulderie; lequel Henriet, jà-soitce qu'il euist esté mis à la torture, avoit tousjours denié d’y avoir esté, ne oncques ne l’avoit confessé; lequel eslargissement valloit pleine délivrance.
Item, le pénultiesme jour d’octobre, lesdicts vicaires eslargirent et meirent hors de prison une josne femme nommée Belotte, laquelle estoit fille de joye. Ceste femme commune, laquelle avoit esté prinse comme vauldoise, avoit esté par plusieurs fois mise à la torture et confessé avoir esté en ladicte vaulderie. Sy disoit-on qu'elle avoit esté presque ardse quand on ardit les dernières femmes, et ne tint qu’à sa mitre, quy ne feut point faicte ny achevée. Toutesfois lesdicts vicairesladélivrèrent franchement, saulf qu’ils la congièrent hors l’évesquié d’Arras, et luy enjoignirent d’aller à Nostre-Dame de Boulloingne.
Item, cedict jour propre, délivrèrent et meirent hors de prison par eslargissement, comme
| dessusestdict, Jacotin d’Athies, lequelavoitesté
prins pour ledict cas de vaulderie. Je ne scay s’il avoit esté mis à la torture, mais il ne confessa oncques d'avoir esté en ladicte vaulderie; et ne luy feut enjoint aultres choses que simplement il vuideroit de l’évesquié d’Arras quinze jours durant. On disoit lors que ledict Jacotin, lequel estoit de la bourgeoisie d'Arras, n’estoit pas bien content de la villenie qu’on luy avoit faict, et dict, aprèssa délivrance et devant, qu'il n’en prendroit pas bien à ceulx parmy quy ce avoit esté.
Item, le vingt-quatriesme jour de novembre audict an, feurent mis hors de prison et à pleine délivrance, maistre Anthoine Sacquespée, Jehan Josset et Jacquet Willemant, lesquels avoient esté prins comme accusés d’avoir esté en ladicte vaulderie. Et combien que ledict maistre Anthoine euist esté accusé de plusieurs tesmoings, et qu’il euist esté mis à torture très dure, sy ne confessa oncques y avoir esté ny estre en riens coupable, mesme ne scavoir que c'estoit de vaulderie, comme il disoit. Et pareillement en avoient dictet faict lesdicts Jossetet Jacquet Willcinant; pourquoy ils feurent mis à pleine deslivrance, moyennant qu’ils jurèrent derechief sur les sainctes Evangiles n’y avoir oncques esté, et n’en estre coupables dudict crime; et avecq ce, s'ils vouloient estre délivrés, falloit qu'ils fissent venir, C’est à scavoir, pour ledict maistre Anthoine, sept lesmoingsnotables et bien'famés; pour ledict Josset, cinq tesmoings; et pour ledict Willemant, quatre, lesquels affermeroient par leur serment, chascun pour sa partie, c’est à scavoir, lessept pour maistre Anthoine Sacquespée, les cinq pour Josset, et les quatre pour ledict Jacquet Willemant : qu'ils tenoient que lesdicts maistre Anthoine Sacquespée , Jehan Josset et Jacquet Willemant avoient faict bon et léal serment, et croyoient qu’en riens n’en estoient coupables. Et en iceulx tesmoings quy déposèrent, y en avoit comme on disoit de tels quy avoient esté accusés d’avoir esté en ladicte vaulderie. Le serment faict, les dessusdicts prisonniers s’en rallèrent quittes et délivrés chascun en sa maison, comme innocents de ce cas, accompagniés de leurs parents et amis quy les estoient venus quérir.
Item, environ le vingt-cinquiesme jour dudict mois de décembre, feut délivré par purge de cinq tesmoings, comme dessus est dict, Jehan le
